തിരുവനന്തപുരം . വാർദ്ധ്യക്യ സഹജമായ അസുഖങ്ങളാൽ ബുദ്ധിമുട്ടുകയായിരുന്ന ദമ്പതികളെ വീടിനുളളിൽ തൂങ്ങിമരിച്ച നിലയിൽ കണ്ടെത്തി. കല്ലറ മുതുവിളയിൽ മുളമുക്ക് സ്വദേശി കൃഷ്ണൻ ആചാരി (63) ഭാര്യ വസന്തകുമാരി (58)എന്നിവരാണ് മരിച്ചത്. ന്യൂ ഇയർ ആഘോഷത്തിനായി വീട്ടിലുള്ളവർ പുറത്തുപോയ സമയത്താണ് ഇവർ ആത്മഹത്യ ചെയ്തതെന്നാണ് കരുതുന്നത്.
വാർദ്ധ്യക്യ സഹജമായ അസുഖങ്ങളാൽ ഇരുവരും ബുദ്ധിമുട്ടിലായിരുന്നു. പാങ്ങോട് പോലീസ് കേസെടുത്തു. സംഭവത്തിൽ ദുരൂഹതയില്ലെന്നാണ് പോലീസ് പറഞ്ഞിരിക്കുന്നത്. തിങ്കളാഴ്ച രാവിലെ 8 മണിയോടെ അയൽവാസികളാണ് ദമ്പതികളെ മരിച്ച നിലയിൽ കണ്ടെത്തിയത്. ഇരുവരും മകനൊപ്പമായിരുന്നു താമസിച്ചു വന്നിരുന്നത്.
