തിരുവനന്തപുരം . പ്രധാനമന്ത്രി നരേന്ദ്രമോദി തെരഞ്ഞെടുപ്പ് പ്രചരണത്തിനായി ഇന്ന് കേരളത്തിലെത്തുന്നു. ഉച്ചയ്ക്ക് ഒരു മണിക്ക് പത്തനംതിട്ടയില് അനില് ആന്റണിയുടെ പ്രചാരണ പരിപാടിയില് മോദി പ്രസംഗിക്കും. എന്ഡിഎ സ്ഥാനാര്ത്ഥികളെ പ്രഖ്യാപിച്ച ശേഷം നരേന്ദ്ര മോദി ആദ്യമായാണ് കേരളത്തിൽ എത്തുന്നത്. പുതുതായി ബിജെപിയിലേക്ക് എത്തിയ പത്മജാ വേണുഗോപാല് ഉള്പ്പെടെയുള്ള നേതാക്കൾ മോദിയോടൊപ്പം വേദി പങ്കിടും.
കഴിഞ്ഞ മൂന്ന് മാസത്തിനിടെ ഇത് നാലാം തവണയാണ് മോദി കേരളം സന്ദര്ശിക്കുന്നത്. പ്രധാനമന്ത്രിക്ക് തമിഴ്നാട്ടിലും ഇന്ന് പൊതുയോ ഗമുണ്ട്. കന്യാകുമാരിയില് ബിജെപിയുടെ റാലിയില് നരേന്ദ്ര മോദി പ്രസംഗിക്കും. ഹെലിക്കോപ്ടറിലാകും നാഗര്കോവിലിലേക്ക് പോവുക. തമിഴ്നാട്ടില് സഖ്യരൂപീകരണം പൂര്ത്തിയാകാത്തതിനാല് തമിഴ്നാട്ടിലെ ഒരു സ്ഥാനാര്ത്ഥി ബിജെപി ഇതുവരെ പ്രഖ്യാപിച്ചിട്ടില്ല.
പ്രധാനമന്ത്രിയുടെ സന്ദര്ശനത്തോടനുബന്ധിച്ച് തലസ്ഥാനത്ത് ഗതാഗത നിയന്ത്രണം ഏര്പ്പെടുത്തിയിട്ടുണ്ട്. പ്രദേശത്ത് വാഹനങ്ങളുടെ പാര്ക്കിങ്ങും ഡ്രോണ് പറത്തുന്നതും നിരോധിച്ചിട്ടുണ്ട്. രാവിലെ ഏഴു മുതല് ഉച്ചയ്ക്ക് ഒരു മണി വരെ വിമാനത്താവളത്തോട് ചേര്ന്ന ശംഖുമുഖം, ചാക്ക മേഖലകളിലാണ് നിയന്ത്രണം.