കൊച്ചി . തൃപ്പൂണിത്തുറയില് പടക്കപ്പുരയ്ക്കു തീപിടിച്ചുണ്ടായ സ്ഫോടനത്തില് നാലു പേര് അറസ്റ്റിലായി.. ഉത്സവക്കമ്മിറ്റി ഭാരവാഹികള് ഉള്പ്പെടെയുള്ളവരാണ് അറസ്റ്റിലായിരിക്കുന്നത്.. കമ്മിറ്റി ഭാരവാഹികളായ സതീശന്, ശശികുമാര് എന്നിവരും കരാര് ജോലിക്കാരായ വിനീത്, വിനോദ് എന്നിവരുമാണ് അറസ്റ്റിലായത്. അതേസമയം, സ്ഫോടനത്തില് മരിച്ചവരുടെ എണ്ണം രണ്ടായി. തിരുവനന്തപുരം ഉള്ളൂര് സ്വദേശി വിഷ്ണുവിനു പിന്നാലെ, പരിക്കേറ്റ് ചികിത്സയിലായിരുന്ന ദിവാകരന് (55) മരിച്ചു.
രാത്രി എട്ടര മണിയോടെ കേസിലെ പ്രതികളായ നാല് പേരെ പൊലീസ് അറസ്റ്റ് ചെയ്തു.. ദേവസ്വം പ്രസിഡന്റ് സജീഷ് കുമാര്, സെക്രട്ടറി രാജേഷ്, ട്രഷറര് സത്യന് എന്നിവരും ജോയിന് സെക്രട്ടറിയുമാണ് അറസ്റ്റിലായത്. കരാറുകാരന് ആദര്ശാണ് നാലാം പ്രതി. ഇവര്ക്കെതിരെ നരഹത്യാക്കുറ്റം ഉള്പ്പെടെ ചുമത്തിയിട്ടുണ്ട്.
പ്രതികള്ക്കെതിരെ നരഹത്യാക്കുറ്റം ഉള്പ്പെടെ ചുമത്തി. ജാമ്യമില്ലാ വകുപ്പുകളടക്കാണ് ചുമത്തിയിട്ടുള്ളത്.. മനഃപൂര്വംമല്ലാത്ത നരഹത്യ (304), കുറ്റകരമായ നരഹത്യ നടത്താനുള്ള ശ്രമം (308) വകുപ്പുകള് അടക്കം ചുമത്തിയാണ് കേസെടുത്തിട്ടുള്ളത്.. പ്രതികള്ക്കെതിരെ സ്ഫോടക വസ്തു നിയമപ്രകാരവും കേസെടുത്തു. സംഭവത്തില് മനുഷ്യാവകാശ കമ്മീഷനും കേസെടുത്തിട്ടുണ്ട്. 15 ദിവസത്തിനകം റിപ്പോര്ട്ട് സമര്പ്പിക്കാനാണ് എറണാകുളം കലക്ടര്ക്കും സിറ്റി പൊലീസ് കമ്മിഷണര്ക്കും നിര്ദ്ദേശം നല്കിയിട്ടുള്ളത്.