കണ്ണൂർ . കണ്ണൂരിലെ പഴയങ്ങാടിയിലെ പൊതുമേഖലാ ബാങ്ക് ജീവനക്കാരിയെ ഭർ‌തൃഗൃഹത്തിൽ തൂങ്ങിമരിച്ച നിലയിൽ കണ്ടെത്തിയ സംഭവം കൊലപാതകമെന്ന് ആരോപിച്ച് പിതാവ്. മാടായി കോഴിബസാർ എസ്ബിഐ ശാഖയിലെ ജീവനക്കാരി ടി.കെ.ദിവ്യയെ (37) നെയാണ് തൂങ്ങിമരിച്ച നിലയിൽ കണ്ടെത്തിയി രുന്നത്. ദിവ്യയുടെ മരണം കൊലപാതമാണെന്നാണ് പിതാവ് എം. ശങ്കരന്‍ ആരോപിക്കുന്നത്.
തുടർച്ചയായി ദിവ്യ, ജാതി അധിക്ഷേപം നേരിട്ടിരുന്നതായി പിതാവ് വെളിപ്പെടുത്തി. ഭർത്താവ് ഉണ്ണിക്കൃഷ്ണന്റെ വീട്ടിൽ ഇക്കഴിഞ്ഞ വ്യാഴാഴ്ചയാണ് ദിവ്യയെ മരിച്ച നിലയിൽ കണ്ടെത്തുന്നത്. രാവിലെ കിടപ്പുമുറിയിൽ തൂങ്ങിനിൽക്കുന്ന നിലയിലായിരുന്നു മൃതദേഹം. ഒരു വർഷം മുൻപായിരുന്നു ദിവ്യയുടെ രണ്ടാം വിവാഹം നടക്കുന്നത്. വിജയലക്ഷ്മിയാണ് ദിവ്യയുടെ അമ്മ. നവതേജ് മകനാണ്.
