പഞ്ചാബിലെയും ഹരിയാനയിലും രണ്ട് മുന്‍ എംഎല്‍എമാരുടെ വീടുകളില്‍ നടത്തിയ പരിശോധനയിൽ ഇഡി തോക്കുകളും മദ്യവും പണവും പിടിച്ചെടുത്തു. ഇഡി നടത്തിയ റെയിഡിൽ 5 കോടി രൂപയും 100 കുപ്പി മദ്യവും 300ഓളം തോക്കുകളും ആണ് കണ്ടെത്തിയിട്ടുള്ളത്. അഞ്ച് കിലോയോളം തൂക്കം വരുന്ന 3 സ്വര്‍ണ ബിസ്‌കറ്റുകളും പിടിച്ചെടുത്തിട്ടുണ്ട്.
ഇന്ത്യന്‍ നാഷണല്‍ ലോക്ദള്‍ എംഎല്‍എ ദില്‍ബാദ് സിംഗ്, മുന്‍ കോണ്‍ഗ്രസ് എംഎല്‍എ സുരേന്ദര്‍ പന്‍വാറും കൂട്ടാളികളും ചേര്‍ന്ന് അനധികൃത ഖനനം നടത്തിയെന്ന കേസില്‍ ആണ് ഇ ഡി റെയ്ഡ് നടത്തുന്നത്.. യമുനാ നഗറില്‍ നിന്നുള്ള മുന്‍ എംഎല്‍എയാണ് ദില്‍ബാദ് സിംഗ്. സുരേന്ദര്‍ പന്‍വാര്‍ സോനിപട്ടിലെ കോണ്‍ഗ്രസ് എം എൽ എ ആയിരുന്നു.
ദേശീയ ഹരിത ട്രൈബ്യൂണല്‍ ഖനനം നിരോധിച്ചതിന് ശേഷം യമുനാ നഗറിലും പരിസര ജില്ലകളിലും ഖനനം നടത്തിയെന്ന് ആരോപിച്ച് ഹരിയാന പൊലീസ് ഒന്നിലധികം കേസുകള്‍ രജിസ്റ്റര്‍ ചെയ്തിട്ടുണ്ട്. ഇതിന് പിറകെയാണ് ഇഡി കള്ളപ്പണം വെളുപ്പിക്കല്‍ കേസ് ഫയല്‍ ചെയ്യുന്നത്. വ്യാഴാഴ്ച ഇതുമായി ബന്ധപ്പെട്ട് 20 കേന്ദ്രങ്ങളില്‍ ആണ് ഇഡി റെയ്ഡ് നടത്തിയത്.
