കൊച്ചിയിൽ പത്തുവയസുകാരി വൈഗയെ കൊലപ്പെടുത്തിയ കേസിൽ അച്ഛൻ സനുമോഹന് ജീവപര്യന്തം ശിക്ഷ വിധിച്ച് കോടതി. പ്രതിക്കെതിരെ ചുമത്തിയ എല്ലാ കുറ്റവും തെളിഞ്ഞതായി പറഞ്ഞ എറണാകുളത്തെ പ്രത്യേക കോടതി ശിക്ഷ വിധി പ്രസ്താവിക്കുകയാ യിരുന്നു.. കൊലപാതകത്തിന് ജീവപര്യന്തം തടവും, തട്ടിക്കൊണ്ടു പോകൽ, മദ്യം നൽകൽ, തെളിവ് നശിപ്പിക്കൽ അടക്കം മറ്റ് വകുപ്പുകളിൽ 28 വര്ഷം തടവമാണ് ശിക്ഷ.
28 വർഷത്തെ തടവിന് ശേഷം ജീവപര്യന്തം അനുഭവിക്കണമെന്നാണ് കോടതി വിധിയിൽ പറഞ്ഞിട്ടുള്ളത്. 11 മണി മുതൽ ശിക്ഷാ വിധിയിൽ വാദം കേട്ടതിൽ പിന്നെയാണ് ഉച്ചയ്ക്ക് ശേഷം കോടതി വിധി പറയുന്നത്. അപൂര്വ്വങ്ങളിൽ അപൂര്വ്വമായ കുറ്റകൃത്യമാ ണെന്നും വധശിക്ഷ നൽകണമെന്നും പ്രോസിക്യൂഷൻ ആവശ്യപ്പെട്ടിരുന്നതാണ്. എന്നാൽ 70 വയസുള്ള അമ്മയെ നോക്കാൻ ആളില്ലെന്നും ശിക്ഷയിൽ ഇളവ് വേണമെന്നും സനു മോഹൻ കോടതിയിൽ ആവശ്യപ്പെട്ടെങ്കിലും കോടതി അത് മുഖവിലക്കെടുത്തില്ല.
ഐപിസി 302, 328, 201, ജുവനൈല് ജസ്റ്റിസ് ആക്ട് 75, 77 വകുപ്പുകള് പ്രകാരം പ്രതി കുറ്റക്കാരനാണെന്ന് കണ്ടെത്തിയിരുന്നു. തുടർന്നാണ് ശിക്ഷാ വിധി ഉണ്ടായത്. കുട്ടിയെ കൊലപ്പെടുത്തി, കൊലപാതക ഉദ്ദേശത്തോടെ മദ്യം നല്കി, തെളിവു നശിപ്പിക്കല്, ബാലനീതി പ്രകാരം കുട്ടികളോടുള്ള ക്രൂരത, കുട്ടികള്ക്ക് മദ്യം നല്കല് തുടങ്ങിയവയാണ് സനു മോഹനെതിരെ ചുമത്തിയ കുറ്റങ്ങള്. ഒരു വര്ഷത്തോളം നീണ്ട വിചാരണക്കൊടുവിലാണ് കേസിൽ കോടതി വിധി ഉണ്ടായിരിക്കുന്നത്.
പണം കൊടുക്കാനുള്ളവരെ കബളിപ്പിക്കാനാണ് മകളെ കൊന്നത് എന്നും ആള്മാറാട്ടം നടത്തി ജീവിക്കാനായിരുന്നു പദ്ധതിയെ ന്നുമാണ് സനു മോഹന്റെ കുറ്റസമ്മത മൊഴി. ആലപ്പുഴയിലെ ബന്ധുവീട്ടില് നിന്ന് അമ്മാവനെ കാണിക്കാന് ആണെന്ന് പറഞ്ഞാണ് സനു മോഹന് മകളെ കൂട്ടിക്കൊണ്ടുപോകുന്നത്.
എറണാകുളം കങ്ങരപ്പടിയിലെ ഫ്ളാറ്റില് കൊണ്ട് വന്നു കുട്ടിയെ ശ്വാസം മുട്ടിച്ച് കൊലപ്പെടുത്തി മൃതദേഹം പുഴയില് ഉപേക്ഷിക്കുകയായിരുന്നു. കൊലപാതക ശേഷം കേരളം വിട്ട പ്രതി ഗോവ, കോയമ്പത്തൂര്, മൂകാംബിക തുടങ്ങിയ സ്ഥലങ്ങളില് ഒളിവില് താമസിക്കുകയുണ്ടായി. കാക്കനാട് കങ്ങരപ്പടിയിലെ ഫ്ലാറ്റിൽ താമസിച്ചിരുന്ന അച്ഛനെയും മകളെയും കാണാതായെന്ന് വാർത്ത പുറത്തുവന്നതിന് പിറകെയാണ് ഞെട്ടിക്കുന്ന കൊലപാതകം പുറത്ത് വരുന്നത്. 2021 മാര്ച്ച് 22നാണ് വൈഗയെ അച്ഛന് സനു മോഹന് ശ്വാസം മുട്ടിച്ച് കൊലപ്പെടുത്തി മുട്ടാര് പുഴയില് ഉപേക്ഷിക്കുന്നത്. പിന്നീട് രക്ഷപെട്ട പ്രതിയെ ഒരു മാസത്തിന് ശേഷമാണ് കോയമ്പത്തൂരിൽ നിന്നും പോലീസ് പിടികൂടുന്നത്.