കൊച്ചി . സംസ്ഥാന നിയമസഭയിലെ എം എൽ എ മാരും രാജ്യസംഭ അംഗങ്ങളും തൽസ്ഥാനം രാജിവെക്കാതെ ലോകസഭ തെരഞ്ഞെടുപ്പിൽ മത്സരിക്കുന്നത് ചോദ്യം ചെയ്ത് ഹൈക്കോടതിയിൽ ഹർജി. രാഷ്ട്രീയ നിരീക്ഷകനായ കെ ഒ ജോണിയാണ് ഹർജി നൽകിയത്. എം എൽ എ മാരായ കെ രാധാകൃഷ്ണൻ, കെ കെ ശൈലജ, ഷാഫി പറമ്പിൽ, എം മുകേഷ്, വി ജോയ്, എന്നിവരും രാജ്യ സംഭാംഗങ്ങളായ കെ സി വേണുഗോപാൽ, രാജീവ് ചന്ദ്രശേഖർ എന്നിവരും മത്സരിക്കുന്നത് ചോദ്യം ചെയ്തുകൊണ്ടാണ് ഹർജി.
ഇവർ നിലവിലുള്ള ആനുകൂല്യങ്ങൾ പറ്റിക്കൊണ്ടാണ് മത്സരിക്കുന്നതെന്നും തൽസ്ഥാനം രാജിവെച്ച് മത്സരിക്കാൻ കോടതി നിർദ്ദേശം നൽകണം എന്നുമാണ് ഹർജിയിൽ ഉന്നയിച്ചിട്ടുള്ള ആവശ്യം. കേന്ദ്ര, സംസ്ഥാന സർക്കാരുകൾ, തെരഞ്ഞെടുപ്പ് കമ്മീഷൻ അടക്കമുള്ളവരെ എതിർ കക്ഷിയാക്കിയാണ് ഒ കെ ജോണിയുടെ ഹർജി.
എം എൽ എ മാർ അടക്കം ഔദ്യോഗിക കാറുകൾ തെരഞ്ഞെടുപ്പി നായി ഉപയോഗപ്പെടുത്തു ന്നുണ്ട്. തെരെഞ്ഞെടുപ്പ് പ്രചാരണത്തി നായി ഇവരിൽ ചിലർ ഉപയോഗിക്കുന്ന നോട്ടീസുകളിൽ പോലും എം എൽ എ എന്നും എം പി എന്നും മന്ത്രിയെന്നും ഉപയോഗിക്കുന്നത് ചട്ടവിരുദ്ധമാണ്.
