കൊച്ചി . മസാല ബോണ്ട് കേസില് അറസ്റ്റ് ഭയന്ന് ഇ ഡി ക്ക് മുന്നിൽ ഹാജരാകാതെ ഒളിച്ചു കളിക്കുന്ന മുന് മന്ത്രി ഡോ. തോമസ് ഐസക്ക് ചോദ്യം ചെയ്യലിന് ഹാജരായേ മതിയാകൂ എന്ന് ഹൈക്കോടതി. തോമസ് ഐസക്കിന് എല്ലാ വിവരങ്ങളും അറിയാം. ചോദ്യം ചെയ്യുന്നതിന്റെ വീഡിയോ ചിത്രീകരിക്കുമെന്നും ഇഡി കോടതിയില് അറിയിച്ചു. അതേസമയം, തോമസ് ഐസക്കിനെ അറസ്റ്റ് ചെയ്യില്ലെന്ന് ഇ ഡി കോടതിയിൽ പറഞ്ഞിട്ടുണ്ട്.
ഇഡിയുടെ സമന്സ് നിയവിരുദ്ധമാണെന്ന് തോമസ് ഐസക്ക് കോടതിയില് ആവർത്തിച്ചു. ഇഡിക്ക് മുന്നില് ഹാജരാകില്ലെന്നും തോമസ് ഐസക്ക് അറിയിച്ചു. തോമസ് ഐസക്കിന്റെ ഹര്ജി മാര്ച്ച് എട്ടിന് വീണ്ടും പരിഗണിക്കും. അതേസമയം ഇഡിക്ക് മുന്നില് രേഖകളുമായി ഹാജരാകാമെന്ന് കിഫ്ബി അറിയിച്ചിട്ടുണ്ട്.
കിഫ്ബി സിഇഒ ഹാജരാകില്ല, പകരം ഫിനാന്ഷ്യല് ഡിജിഎം ആകും ഹാജരാകുകയെന്നും കിഫ്ബി കോടതിയിൽ പറഞ്ഞു. ഡിജിഎം ഹാജരാകുന്നതില് എതിര്പ്പില്ലെന്ന് ഇഡി കോടതിയെ അറിയിച്ചു. തുടര്ന്ന് ഡിജിഎം അജോഷ് കൃഷ്ണന് ഈ മാസം 27, 28 തീയതികളില് ഇഡിക്ക് മുന്നില് ഹാജരായി വിശദീകരണം നല്കാന് ഹൈക്കോടതി ഉത്തരവായി .