തിരുവനന്തപുരം . നടനും ബിജെപി നേതാവുമായ സുരേഷ് ഗോപി അബുദാബിയിൽ പ്രധാനമന്ത്രി നരേന്ദ്ര മോദി പങ്കെടുത്ത അഹ്‌ലൻ മോദി സമ്മേളനത്തിൽ പങ്കെടുക്കാനെത്തി. പ്രധാനമന്ത്രി നരേന്ദ്ര നരേന്ദ്ര മോദിയെ കാണാൻ എത്തിയ പ്രവാസി ഭാരതീയരുടെ കൂട്ടത്തിൽ സുരേഷ് ഗോപിയും ഇടം പിടിച്ചു. പരിപാടിയിൽ പങ്കെടുത്ത വിവരം സുരേഷ് ഗോപി തന്നെ ഫേസ്ബുക്കിലൂടെ അറിയിക്കുകയായിരുന്നു.
അരലക്ഷത്തിലധികം വരുന്ന പ്രവാസി ഭാരതീയർ ആണ് ഷെയ്ഖ് സായിദ് സ്റ്റേഡിയത്തിൽ നടന്ന പരിപാടിയിൽ പങ്കെടുത്തത്. ബുധനാഴ്ച നടക്കുന്ന അബുദാബിയിലെ അദ്യ ഹിന്ദു ക്ഷേത്രമായ ബി എ പി എസ് ശിലാക്ഷേത്രത്തിന്റെ സമർപ്പണ ചടങ്ങിലും സുരേഷ് ഗോപി പങ്കെടുക്കുന്നുണ്ട്.. മധ്യപൂർവ്വ ദേശത്തെ ഏറ്റവും വലിയ ശിലാക്ഷേത്രമാണ് പ്രധാനമന്ത്രി നരേന്ദ്രമോദി ബുധനാഴ്ച സമർപ്പിക്കുന്നത്.
