ന്യൂഡല്ഹി . കടമെടുപ്പ് പരിധി വെട്ടിക്കുറച്ച കേന്ദ്രനടപടി ചോദ്യം ചെയ്ത് കേരളം നൽകിയ ഹർജിയെ എതിർത്ത് സുപ്രീംകോടതിയിൽ കേന്ദ്ര സർക്കാർ. ഹർജിയിൽ സുപ്രീം കോടതി കേന്ദ്രസര്ക്കാരിന്റെ മറുപടി തേടി. ഒരാഴ്ചയ്ക്കകം മറുപടി നല്കാനാണ് കോടതി പറഞ്ഞിട്ടുള്ളത്. ഹര്ജി സംസ്ഥാന സര്ക്കാരിന്റെ പരാജയം മറയ്ക്കാനാണെന്ന് കേന്ദ്രസര്ക്കാറിനു വേണ്ടി ഹാജരായ അറ്റോര്ണി ജനറല് വാദിച്ചു.
ഹര്ജി ഉടന് പരിഗണിക്കണമെന്ന് കേരളം സുപ്രീംകോടതിയില് ആവശ്യപ്പെടുകയാണ് ഉണ്ടായത്. ബജറ്റ് അവതരിപ്പിക്കാനുണ്ടെന്നും കേരളത്തിന്റെ അഭിഭാഷകന് ചൂണ്ടിക്കാട്ടി. എന്നാല് ബജറ്റുമായി ബന്ധമില്ലെന്നും, ഇടക്കാല ഉത്തരവിന്റെ ആവശ്യമില്ലെന്നും കേന്ദ്രത്തിന് വേണ്ടി അറ്റോര്ണി ജനറല് പറഞ്ഞു.
കേരളത്തിന് മറ്റു സംസ്ഥാനങ്ങള്ക്കില്ലാത്ത പ്രശ്നമാണെന്നും എജി കോടതിയില് പറഞ്ഞു. പ്രശ്നം കേരളത്തിന്റേതാണ്. ദേശീയ സാമ്പത്തിക നയം അനുസരിച്ചാണ് കേന്ദ്ര സര്ക്കാര് പ്രവര്ത്തിക്കുന്ന ത്. കേരളത്തിന്റെ ഹര്ജി ഉടന് പരിഗണിക്കേണ്ടതില്ലെന്നും എജി പറയുകയുണ്ടായി.