സോഷ്യല് മീഡിയയില് ഈ കലക്ടറമ്മയും മകനും എപ്പോഴും വൈറലാണ്. ദിവ്യ എസ് അയ്യര് ഐഎഎസും മകന് മല്ഹാറും ഒരുമിച്ചുള്ള വീഡിയോയ്ക്ക് നിരവധി ആരാധകരാണുള്ളത്. ഔദ്യോഗിക തിരക്കുകള്ക്കിടയിൽ കിട്ടുന്ന ചെറിയ സമയം മകനൊപ്പം ചെലവഴിക്കുന്ന കലക്ടറമ്മയുടെ പുതിയ വിഡിയോയും ഹിറ്റോട് ഹിറ്റ്.
2019ലായിരുന്നു കെ എസ് ശബരിനാഥന് – ദിവ്യ എസ് അയ്യര് ദമ്പതികള്ക്ക് മല്ഹാര് ജനിച്ചത്. പിന്നീട് സോഷ്യല് മീഡിയയില് മല്ഹാറിന്റെ കുഞ്ഞു കുഞ്ഞുവിശേഷങ്ങള് ദിവ്യ പങ്കുവെച്ചു വരുകയാണ്. ഐ എ എസ് ഓഫീസര് ദിവ്യ എസ് അയ്യറിനൊപ്പം ക്യാമറമാന് കുഞ്ഞു മല്ഹാര് ആണ് പുതിയ വിഡിയോയിൽ ഉള്ളത്.
കുഞ്ഞു മല്ഹാറിനെ ഫോട്ടോഗ്രാഫറായി അവതരിപ്പിച്ചിരിക്കുകയാണ് ദിവ്യ എസ് അയ്യര്. മകന് മുന്നില് അമ്മ ഫോട്ടോയ്ക്ക് പോസ് ചെയ്യുകയും മല്ഹാര് പകര്ത്തിയ ഫോട്ടോകളും അടങ്ങുന്നതാണ് വിഡിയോ. ‘ചിന് പൊടിക്ക് അപ്പ്’ എന്ന അടിക്കുറിപ്പോടെയാണ് ദിവ്യ എസ് അയ്യര് വിഡിയോ പങ്കുവെച്ചിട്ടുള്ളത്. ‘മഹേഷിന്റെ പ്രതികാരം’ സിനിമയിലെ ‘തെളിവെയില് അഴകും’ എന്ന ഗാനമാണ് വീഡിയോക്ക് അകമ്പടിയായി ചേര്ത്തിട്ടുള്ളത്. ലിറ്റില് ജോയ്സ് ഓഫ് ലൈഫ്, ഫോട്ടോഷൂട്ട് എന്നീ ഹാഷ് ടാഗുകളിലാണ് വിഡിയോ പങ്കുവെച്ചിട്ടുള്ളത്. വ്യത്യസ്തമായ കമന്റുകളാണ് ചിത്രത്തിന് ലഭിച്ചു വരുന്നത്.