യൂത്ത് കോൺഗ്രസ് അധ്യക്ഷൻ രാഹുൽ മാങ്കൂട്ടത്തിലിന് ജാമ്യം നൽകാതിരിക്കാൻ പിണറായി സർക്കാർ പഠിച്ച പണി പതിനെട്ടും പയറ്റിയെന്ന് രാജ് മോഹൻ ഉണ്ണിത്താൻ എംപി. പിണറായിയുടെ ഭാവം കണ്ടാൽ മുസോളിനിയും ഹിറ്റ്ലറും നാണിച്ചു പോകും. രാഷ്ട്രീയ എതിരാളികളെ ഉന്മൂലനം ചെയ്യാൻ ക്രൂരമായ പ്രവർത്തികൾ ചെയ്യുന്ന ആളാണ് പിണറായി വിജയൻ – ഉണ്ണിത്താൻ പറഞ്ഞു.
മുഖ്യമന്ത്രിയുടെ കസേരയിലിരുന്ന് അക്രമത്തിന് ആഹ്വാനം ചെയ്യുന്ന മുഖ്യമന്ത്രിക്കെതിരെ കോൺഗ്രസ് ഇനി ഉറക്കമില്ലാത്ത സമരപരമ്പരകൾക്ക് ഒരുങ്ങും. തനിക്ക് ശേഷം ഇനിയൊരു കമ്മ്യൂണിസ്റ്റുകാരൻ മുഖ്യമന്ത്രി കസേരയിൽ ഇരിക്കേണ്ട എന്നുള്ള വാശിയാണ് പിണറായി. രാജ്മോഹൻ ഉണ്ണിത്താൻ പറഞ്ഞു.
രാഷ്ട്രീയകാര്യ സമിതിയിൽ താൻ ഉൾപ്പെടാത്തതിൽ പരാതിയില്ല. അദ്ദേഹം പറഞ്ഞു. അറസ്റ്റിലായി എട്ട് ദിവസത്തിന് ശേഷമാണ് രാഹുൽ മാങ്കൂട്ടത്തിലിന് ബുധനാഴ്ച ജാമ്യം കിട്ടിയത്. 50,000 രൂപ കെട്ടിവക്കാനും, ആറാഴ്ച അന്വേഷണ ഉദ്യോഗസ്ഥന് മുന്നിൽ ഹാജരാകാണും ഉള്ള ഉപാധികളോടെയായിരുന്നു ജാമ്യം അനുവദിച്ചത്.