കോഴിക്കോട് . ജയ് ശ്രീറാം എന്ന് വിളിച്ചാൽ ഇസ്ലാമിൽ നിന്ന് പുറത്ത് പോകില്ലെന്ന ഉസ്താദ് പൊന്നുരുന്നി കുഞ്ഞ് മുഹമ്മദ് മൗലവിയുടെ പ്രസംഗം വീണ്ടും വൈറലായി. അയോദ്ധ്യ പ്രാണപ്രതിഷ്ഠയുമായി ബന്ധപ്പെട്ടാണ് വീണ്ടും ഈ പ്രസംഗം പ്രചരിച്ചു വരുന്നത്. ശ്രീരാമൻ ആരാണെന്ന് അറിയണമെന്നും കുഞ്ഞ് മുഹമ്മദ് മൗലവി പറയുന്നുണ്ട്.
ലോകം ശുഭമാകണമെങ്കിൽ ഗോക്കളെയും, ബ്രാഹ്മണരെയും, പ്രജകളെയും സംരക്ഷിക്കണമെന്നാണ് ‘ലോകാസമസ്താ സുഖിനോ ഭവന്തു’ എന്നത് കൊണ്ട് അർത്ഥമാക്കുന്നത്. ബ്രാഹ്മണർ എന്ന് പറഞ്ഞാൽ വാക്ക് കൊണ്ടും, മനസ് കൊണ്ടും തെറ്റ് ചെയ്യാത്ത വരെയാണ് പറയുന്നത് . എ കെ ജി, ഇ എം എസ്, സുന്ദരയ്യ സിന്ദാബാദ് എന്ന് ഞാൻ ചെറുപ്പത്തിൽ വിളിച്ചയാളാണ്. എന്നിട്ട് ഞാൻ ഇസ്ലാമിൽ നിന്ന് പുറത്ത് പോയോ ?. കുഞ്ഞ് മുഹമ്മദ് മൗലവി ചോദിക്കുന്നു. പിന്നെ എങ്ങനെയാണ് ജയ് ശ്രീറാം വിളിച്ചാൽ ഇസ്ലാമിൽ നിന്ന് പുറത്ത് പോകുന്നത്.
ആരാണ് ശ്രീരാമൻ എന്ന് മനസിലാക്കിയോ ?. മുഹമ്മദ് നബിയ്‌ക്കും എത്രയോ മുൻപ് ജീവിച്ചിരുന്ന ഭാരതീയൻ. മൗലവിയായാലും, മൊല്ലാക്കയായാലും എല്ലാ മതങ്ങളെയും കുറിച്ച് പഠിച്ചിരിക്കണം. എങ്കിൽ മാത്രമേ നമ്മുടെ മതത്തിന്റെ തെറ്റ് മനസിലാക്കി, സംശുദ്ധമാക്കാൻ പറ്റൂകയുള്ളൂ എന്നും കുഞ്ഞ് മുഹമ്മദ് മൗലവി വീഡിയോയിൽ പറഞ്ഞിരിക്കുന്നു.
