മൈ ജി യുടെ ഉത്‌ഘാടന വേദിയിൽ താരമായി ഗതാഗത മന്ത്രി ഗണേഷ് കുമാറും ലേഡി സൂപ്പർ സ്റ്റാർ മഞ്ജു വാര്യരും. ഏറെ വർഷങ്ങൾക്ക് ശേഷമാണ് ഇരുവരും തമ്മിൽ കാണുന്നതെന്ന് മഞ്ജു പറഞ്ഞു. തന്റെ സഹപ്രവർത്തകൻ എന്നതിനപ്പുറം സംസ്ഥാനത്തിന്റെ ഗതാഗത മന്ത്രി കൂടിയായ ഗണേഷ് കുമാറിനൊപ്പം വേദി പങ്കിടാൻ സാധിച്ചതിൽ ഒരുപാട് സന്തോഷമുണ്ടെന്നും മഞ്ജു പറഞ്ഞു.
കറുപ്പ് സാരിയിൽ അതീവ സുന്ദരിയായിട്ടാണ് മഞ്ജു വാര്യർ ഉത്‌ഘാടന ചടങ്ങിനെത്തിയത്. അതേസമയം മന്ത്രിക്കസേര യിലെത്തിയ ശേഷം ഷോറൂം ഉത്‌ഘാടനങ്ങളിലൊന്നും പങ്കെടുക്കില്ലെന്ന് ഉറപ്പിച്ചിരുന്നതാണെന്നും എന്നാൽ മൈ ജി യുടെ ഉടമ തന്റെ കുടുംബ സുഹൃത്തായതു കൊണ്ട് പ്രതിജ്ഞ തെറ്റിച്ച് എത്തിയതാണെന്നും ഗണേഷ് കുമാർ പറഞ്ഞു.
മഞ്ജു വാര്യരെ നേരിൽ കണ്ടിട് വർഷങ്ങളായെങ്കിലും മഞ്ജുവിന്റെ ഹിമാലയൻ ബൈക്ക് റൈഡെല്ലാം താൻ കാണുകയും അറിയുകയും ഉണ്ടായിരുന്നുവെന്ന് ഗണേഷ് പറഞ്ഞു. ഇനിയിപ്പോൾ ഗതാഗത നിയമലംഘനമുണ്ടാകാതെ സൂക്ഷിച്ച് ഓടുക എന്ന് ട്രോളാനും ഗണേഷ് കുമാർ മറന്നില്ല.
