ഇടുക്കിയിൽ ചൊവാഴ്ച ഹർത്താൽ പ്രഖ്യാപിച്ച് എൽഡിഎഫ്. എൽഡിഎഫ് രാജ്ഭവൻ മാർച്ച് സംഘടിപ്പിച്ച ഒൻപതാം തീയതി ഗവർണറെ തൊടുപുഴയിലേക്ക് ക്ഷണിച്ച വ്യാപാരി വ്യവസായി ഏകോപന സമിതിയുടെ ക്ഷണത്തിനെതിരെയാണ് ഹർത്താൽ എന്ന് പറയുന്നുണ്ടെങ്കിലും, ഗവർണർ പങ്കെടുക്കേണ്ട പരിപാടിയെ തടസപ്പെടുത്താനും ഗവർണറുടെ സ്വൈര്യ സഞ്ചാരം തടസപ്പെടുത്താ നുമുള്ള എൽ ഡി എഫ് നീക്കമായിട്ടു വേണം ഇതിനെ കാണേണ്ടത്.
ഭൂനിയമ ഭേദഗതി ബില്ലിൽ ഒപ്പ് വെക്കാത്തതിൽ പ്രതിഷേധിച്ച് എൽഡിഎഫ് രാജ്ഭവൻ മാർച്ച് സംഘടിപ്പിക്കാൻ തീരുമാനിച്ചിരുന്നു. എന്നാൽ ഇക്കാര്യം രാജ്ഭവനിൽ ആദ്യം അറിയിച്ചിരുന്നില്ല. ഇടുക്കി ജില്ലാ വ്യാപാരി വ്യവസായി ഏകോപന സമിതിയുടെ ക്ഷേമ പദ്ധതിയായ കാരുണ്യയുടെ ഉദ്ഘാടനത്തിനായി ഗവർണറെ വ്യാപാരി വ്യവസായി ഏകോപന സമിതി തൊടുപുഴയിലേക്ക് ക്ഷണിച്ചിരുന്നു. അതിനു എത്താമെന്ന് അറിയിച്ച പിറകെയാണ് അന്നേ ദിവസം എൽഡിഎഫ് രാജ്ഭവൻ മാർച്ച് സംഘടിപ്പിച്ചിരിക്കുന്ന കാര്യം അറിയിക്കുന്നത്.
വ്യാപാരി വ്യവസായി ഏകോപന സമിതി ഇടുക്കിയിലെ ക്ഷേമ പദ്ധതിയായ കാരുണ്യത്തിന്റെ ഉദ്ഘാടനത്തിനായാണ് ഗവർണർ തൊടുപുഴയിൽ എത്താമെന്ന് സമ്മതിച്ചിരുന്നത്. എന്നാൽ രാജ്ഭവൻ മാർച്ചിനിടെ പരിപാടിയിൽ പങ്കെടുക്കുന്ന ഗവർണറുടെയും ക്ഷണിച്ച വ്യാപാരി വ്യവസായി ഏകോപന സമിതിയുടേയും നടപടി പ്രതിഷേധാർഹമാണെനാണിപ്പോൾ എൽഡിഎഫ് നേതാക്കൾ ഉന്നയിക്കുന്ന ആരോപണം.
ഭൂനിയമ ഭേദഗതി ബില്ലിൽ ഗവർണർ ഒപ്പ് വെയ്ക്കാത്തതിൽ ഗവര്ണര്ക്കെതിരെ അധിക്ഷേപ പരാമർശവുമായി എം എം മണി രംഗത്ത് വന്നിരുന്നു. ഗവർണറെ ക്ഷണിച്ച വ്യാപാരി വ്യവസായി ഏകോപന സമിതിക്കെതിരെയും എംഎം മണി വിമശനം ഉന്നയിച്ചിരുന്നു. ഗവർണർക്ക് പരിപാടിയിൽ ക്ഷണം നല്കിയതിനാണ് വിമർശനം.
