തിരുവനന്തപുരം . കഴിഞ്ഞ 24മണിക്കൂറിനിടെ കേരളത്തില്‍ 300 പുതിയ കോവിഡ് കേസുകള്‍ റിപ്പോര്‍ട്ട് ചെയ്യപ്പെട്ടു. സംസ്ഥാനത്ത് മൂന്നു മരണവും സ്ഥിരീകരിച്ചതായി ആരോഗ്യ കുടുംബക്ഷേമ മന്ത്രാലയം അറിയിച്ചു. രാജ്യത്ത് ആകെ സജീവ കോവിഡ് കേസുകളുടെ എണ്ണം 2,669 ആയി.
കോവിഡ് പൂര്‍ണ്ണമായും തുടച്ചുനീക്കാന്‍ കഴിയാത്ത മറ്റേതൊരു പകര്‍ച്ചവ്യാധിയും പോലെയാണ്. എന്നാല്‍ രോഗത്തിന്റെ വ്യാപനം കുറക്കാനാകും. രോഗംബാധിച്ച് മരിക്കുന്നവരുടെ സംഖ്യയും കുറയുകയാണ്. മറ്റേതൊരു ഇന്‍ഫ്‌ലുവന്‍സ അല്ലെങ്കില്‍ മറ്റേതെങ്കിലും ജലദോഷം പോലെയാണ് ഇപ്പോള്‍ ഇതെന്നും ഡോ. ശ്രീജിത്ത് എന്‍. കുമാര്‍ പറയുന്നു.
അതിനിടെ, കേന്ദ്ര ആരോഗ്യ കുടുംബക്ഷേമ മന്ത്രി ഡോ. മന്‍സുഖ് മാണ്ഡവ്യയുടെ അധ്യക്ഷതയില്‍ ബുധനാഴ്ച നടന്ന ഉന്നതതല യോഗത്തില്‍ ഇന്ത്യയിലെ കൊവിഡ്19 സ്ഥിതിഗതികള്‍ അവലോകനം ചെയ്യുന്നതിനും കൊവിഡിന്റെ നിരീക്ഷണത്തിനും നിയന്ത്രണത്തിനും മാനേജ്‌മെന്റിനുമുള്ള പൊതുജനാരോഗ്യ സംവിധാനത്തിന്റെ തയ്യാറെടുപ്പുകള്‍ അവലോകനം ചെയ്യുകയുണ്ടായി.
