ആലപ്പുഴ . പത്തനംതിട്ട സീറ്റു കിട്ടാത്തതിന്റെ പരിഭവം പങ്കു വെച്ചതിനിടെ ബിഡിജെഎസ്സിനെ കുറ്റപ്പെടുത്തിയ പിസി ജോര്‍ജിന്റെ പരാമര്‍ശത്തില്‍ ബിഡിജെഎസിന് കടുത്ത അതൃപ്തി. പാര്‍ട്ടിയുടെ കടുത്ത അതൃപ്തി ബിഡിജെഎസ് അധ്യക്ഷന്‍ തുഷാര്‍ വെള്ളാപ്പള്ളി ബിജെപി കേന്ദ്രനേതൃത്വത്തെ അറിയിക്കും. പി സിക്കെതിരെ പരാതി പറയാൻ തുഷാര്‍ ഇന്ന് ബിജെപി ദേശീയ അധ്യക്ഷന്‍ ജെപി നഡ്ഡയെ കാണും.
പത്തനംതിട്ട സീറ്റ് നല്‍കാത്തത് സംബന്ധിച്ചാണ് വെള്ളാപ്പള്ളി നടേശനും തുഷാര്‍ വെള്ളാപ്പള്ളിക്കുമെതിരെ പിസി ജോര്‍ജ് പരാമര്‍ശം നടത്തുന്നത്. താന്‍ മത്സരിക്കണമെന്ന് ജനം ആഗ്രഹിച്ചിരുന്നു. താന്‍ മത്സരിക്കുന്നതിനെ വെള്ളാപ്പള്ളിയും തുഷാര്‍ വെള്ളാപ്പള്ളിയും എതിര്‍ത്തുവെന്നുമായിരുന്നു പിസി ജോർജ് പറയുന്നത്.
തെരഞ്ഞെടുപ്പ് അടുത്തിരിക്കെ പിസി ജോര്‍ജിന്റെ പ്രസ്താവന അനാവശ്യ വിവാദം ഉണ്ടാക്കുമെന്നാണ് ബിഡിജെഎസ് പറയുന്നത്. മാത്രമല്ല, തുഷാര്‍ വെള്ളാപ്പള്ളി കോട്ടയത്ത് നിന്നും മത്സരികാണാ മെന്ന ആഗ്രഹത്തോടെ ഇരിക്കുകയുമാണ്. കേരളത്തില്‍ നാലു സീറ്റുകള്‍ ബിഡിജെഎസിന് നല്‍കാനാണ് എന്‍ഡിഎയില്‍ ധാരണയായിട്ടുള്ളത്.
