ആലപ്പുഴയില് കോണ്ഗ്രസിന്റെ സമരാഗ്നി ജാഥയോടനുബന്ധിച്ച് നടന്ന വാര്ത്താമ്മേളനത്തില് വി.ഡി സതീശൻ എത്താൻ വൈകിയതോടെ കെ.സുധാകരൻ ഡിസിസി പ്രസിഡന്റ് ബി.ബാബുപ്രസാദിനോട് തന്റെ അതൃപ്തി അറിയിച്ചതിനിടയില് അസഭ്യപദ പ്രയോഗം നടത്തിയ സംഭവം വിവാദമാക്കി ഇടത് കൂലി പത്രങ്ങളും സൈബർ കൂലി തൊഴിലാളികളും.
കെപിസിസി പ്രസിഡന്റ് കെ.സുധാകരന് പ്രതിപക്ഷ നേതാവ് വി.ഡി സതീശനെതിരെ അസഭ്യ പ്രയോഗം നടത്തി എന്ന് സൈബർ കൂലിപ്പണിക്കാർ പ്രചാരണം നടത്തിയ പിറകെ സംഭവത്തെ പരിഹസിച്ച് എസ്എഫ്ഐയുടെ ഫ്ലക്സ് ബോര്ഡ്. ‘മൈ## ഡിയര് സതീശന് പത്തനംതിട്ടയിലേക്ക് സ്വാഗതം’ എന്ന ഫ്ളക്സ് ബോർഡ് വെച്ച് ആനന്ദം കൊണ്ടു.
സതീശനെ പതനം തിട്ടയിലേക്ക് സ്വാഗതം ചെയ്യുന്ന വാചക ത്തോടൊപ്പം രണ്ട് നേതാക്കളുടെയും ചിത്രം സഹിതമാണ് എസ്എഫ്ഐ പത്തനംതിട്ട ഗാന്ധി സ്ക്വയറില് ഫ്ലക്സ് ബോര്ഡ് സ്ഥാപിക്കുന്നത്. കെപിസിസി നേതൃത്വത്തിന്റെ സമരാഗ്നി ജാഥയുടെ ഭാഗമായി കെ.സുധാകരനും വി.ഡി സതീശനും അടുത്തദിവസം പത്തനംതിട്ടയിലെത്തുന്നതിനിടയിൽ സംഭവം അറിഞ്ഞെത്തിയ യൂത്ത് കോൺഗ്രസ് പ്രവർത്തകർ ഫ്ലക്സ് ബോർഡ് നശിപ്പിക്കുകയാണ് ഉണ്ടായത്.
ആലപ്പുഴയില് കോണ്ഗ്രസിന്റെ സമരാഗ്നി ജാഥയോടനുബന്ധിച്ച് നടന്ന വാര്ത്താമ്മേളനത്തില് വി.ഡി സതീശൻ എത്താൻ വൈകിയതോടെ കെ.സുധാകരൻ അടുത്തിരുന്ന ഡിസിസി പ്രസിഡന്റ് ബി.ബാബുപ്രസാദിനോട് തന്റെ അതൃപ്തി അറിയിക്കുക യായിരുന്നു. അതേസമയം, മാധ്യമങ്ങളിലൂടെ ഈ രംഗം ജനങ്ങള് കണ്ടതോടെ ഇടത് സൈബര് ഹാന്ഡിലുകള് ഇരുവരെയും സമൂഹമാധ്യമങ്ങളിലൂടെ പരിഹസിക്കാന് തുടർന്ന് രംഗത്തെത്തി. തുടർന്ന് മാധ്യമങ്ങളെ കണ്ട കെ.സുധാകരനും വി.ഡി സതീശനും വിഷയം അത്ര വലിയ വാര്ത്ത ആക്കേണ്ടതില്ലെന്ന് പ്രതികരിച്ചിരുന്നതുമാണ്.
‘പ്രതിപക്ഷ നേതാവിനോട് ഒരു ദേഷ്യവും ഇല്ല, മാധ്യമങ്ങളോട് മര്യാദ കാണിച്ചില്ല എന്ന് തോന്നി അതെ പറഞ്ഞിട്ടുള്ളൂ. ഞങ്ങൾ തമ്മിൽ ഒരു അഭിപ്രായ ഭിന്നതയും ഇല്ല. ഇങ്ങനെ ഒരു പ്രചരണം കൊടുത്തത് ശരിയായില്ല, സതീശനും ഞാനും ജ്യേഷ്ഠാനുജന്മാരെ പോലെയാണ്. ഞാന് വളരെ സ്ട്രെയിറ്റ് ഫോര്വേര്ഡ് ആയ ആളാണ്. എനിക്ക് ആരോടും കുശുമ്പും ഇല്ല,വളഞ്ഞ ബുദ്ധിയും ഇല്ല. ഇങ്ങനെയൊരു പ്രചരണ നടത്തിയത് ശരിയല്ല, യാഥാര്ഥ്യത്തിന് നിരക്കാത്ത കാര്യമാണത്. മാധ്യമങ്ങൾ ആണ് വിവാദം ഉണ്ടാക്കിയത്, അവര് മാപ്പുപറയണം’ എന്നായിരുന്നു കെ.സുധാകരന് പ്രതികരിച്ചിരുന്നത്.