ആലപ്പുഴ . ചേര്‍ത്തലയില്‍ സ്‌കൂട്ടറില്‍ സഞ്ചരിച്ച യുവതിയെ ഭര്‍ത്താവ് പെട്രോള്‍ ഒഴിച്ച് കത്തിച്ചു. കടക്കരപ്പിള്ളി സ്വദേശി ആരതിയെയാണ് ഭര്‍ത്താവ് ശ്യാംജിത്ത് ആക്രമിക്കുന്നത്. ഗുരുതരമായി പൊള്ളലേറ്റ ഇരുവരെയും ആലപ്പുഴ വണ്ടാനം മെഡിക്കല്‍ കോളജില്‍ പ്രവേശിപ്പിച്ചിരിക്കുകയാണ്.
തിങ്കളാഴ്ച രാവിലെയാണ് സംഭവം. ചേര്‍ത്തല താലൂക്ക് ആശുപത്രിക്ക് സമീപം വെച്ച് സ്‌കൂട്ടറില്‍ വരുകയായിരുന്ന യുവതിയെ ശ്യാം ജിത്ത് തടഞ്ഞുനിര്‍ത്തി തലയില്‍ പെട്രോള്‍ ഒഴിച്ച് തീകൊളുത്തുക യായിരുന്നു. കുടുംബപ്രശ്‌നമാണ് പ്രകോപനത്തിന് കാരണമെന്നാണ് പൊലീസ് പറയുന്നത്.
ഇരുവരും കുടുംബപ്രശ്‌നങ്ങളെ തുടര്‍ന്ന് പരസ്പരം പിരിഞ്ഞു കഴിയുകയായിരുന്നു. ചേര്‍ത്തലയിലെ ഒരു സ്വകാര്യ പണമിടപാട് സ്ഥാപനത്തിലെ കസ്റ്റര്‍ റിലേഷന്‍ മാനേജറാyi ജോലി നോക്കുകയാണ് ഭാര്യ ആരതി. രാവിലെ ഓഫീസിലേക്ക് ആരതി സ്‌കൂട്ടറില്‍ വരുമ്പോള്‍ ചേര്‍ത്തല താലൂക്ക് ആശുപത്രിക്ക് പിറക് വശത്തുള്ള മോര്‍ച്ചറി റോഡില്‍ വച്ചാണ് ശ്യാംജിത്ത് തടഞ്ഞു നിര്‍ത്തുന്നത്. തുടര്‍ന്ന് പെട്രോള്‍ ഒഴിച്ച് തീകൊളുത്തുകയായിരുന്നു. പ്രകോപനത്തിനുള്ള യഥാര്‍ഥ കാരണം വ്യക്തമല്ല. പൊലീസ് സംഭവത്തിൽ ബന്ധുക്കളുടെ അടക്കം മൊഴിയെടുക്കുകയാണ്.
