ആലപ്പുഴ . ബിജെപി ഒബിസി മോര്ച്ച സംസ്ഥാന സെക്രട്ടറി അഡ്വ.രണ്ജിത് ശ്രീനിവാസന് വധക്കേസില് ശിക്ഷ വിധിച്ച ജഡ്ജിക്കെതിരെ സമൂഹമാധ്യമങ്ങളിലൂടെ അധിക്ഷേപവും ഭീഷണിയും മുഴക്കിയ നാലു പേര് അറസ്റ്റിലായി. മുൻ പി എഫ് ഐ, എസ്ഡിപിഐ പവർത്തകരാണ് അറസ്റ്റിലായത്.
മണ്ണഞ്ചേരി പഞ്ചായത്തിലെ എസ്ഡിപിഐ അംഗം ആലപ്പുഴ തേവരംശേരിയില് നവാസ് നൈന (42), അമ്പലപ്പുഴ വണ്ടാനം പുതുവല് വീട്ടില് ഷാജഹാന്(36), ആലപ്പുഴ മണ്ണഞ്ചേരി സ്വദേശി നസീര് മോന്(42), തിരുവനന്തപുരം മംഗലപുരം സക്കീര് മന്സിലില് റാഫി(38), എന്നിവരാണ് അറസ്റ്റിലായത്. സമൂഹ മാധ്യമങ്ങളില് മത, സാമുദായിക, രാഷ്ട്രീയ വിദ്വേഷം ഉളവാക്കുന്ന തരത്തിലും, കലാപം ഉണ്ടാക്കുന്ന തരത്തിലുമുള്ള ചിത്രങ്ങളും പ്രസ്താവനകളും പോസ്റ്റു ചെയ്തെന്ന കേസില് ആറുപേര്ക്കെതിരെ പോലീസ് കേസെടുത്തിട്ടുണ്ട്.
രണ്ജിത് കേസില് വിധി പറഞ്ഞ മാവേലിക്കര അഡീ സെഷന്സ് ജഡ്ജി വി.ജി. ശ്രീദേവിക്കെതിരെയാണ് അധിക്ഷേപവും ഭീഷണിയും ഉണ്ടാവുന്നത്. രണ്ജിത് കേസില് എസ്ഡിപിഐ, പിഎഫ്ഐ പ്രവര്ത്തകരായ 15 പ്രതികള്ക്കും വധശിക്ഷയാണ് ശിക്ഷ ലഭിച്ചിരുന്നത്. ജഡ്ജി ശ്രീദേവിയുടെ ഔദ്യോഗിക വസതിക്ക് പോലീസ് സുരക്ഷ ഏര്പ്പെടുത്തിയിരിക്കുകയാണ്.
കായംകുളം ഡിവൈഎസ്പി പി അജയ് നാഥിനാണ് സുരക്ഷാ ചുമതല. ഒരു സബ് ഇന്സ്പെക്ടറുടെ നേതൃത്വത്തില് പൊലീസുകാര് 24 മണിക്കൂറും സുരക്ഷ ചുമതലയില് ഉണ്ട്. അതേസമയം, രഞ്ജിത്ത് ശ്രീനിവാസൻ വധക്കേസുമായി ബന്ധപ്പെട്ട് വിദ്വേഷം പരത്തുന്ന തരത്തിൽ സാമൂഹ്യ മാധ്യമങ്ങളിലൂടെ വാർത്തകൾ പ്രചരിപ്പിച്ചതിന് നാലുപേർ അറസ്റ്റിലായി. വ്യാജ വാർത്തകൾ പ്രചരിപ്പിക്കുന്നവർ ക്കെതിരെ പോലീസ് കർശന നടപടി സ്വീകരിക്കും.