ഇസ്ലാമാബാദ് . പാകിസ്താനും ഇറാനും ഒന്നിച്ച് ഇന്ത്യയിലേക്ക് വ്യോമാക്രമണങ്ങൾ നടത്തണമെന്ന ആവശ്യവുമായി പാക് നടി ഷെഹർ ഷിൻവാരി. ബലൂചിസ്ഥാനിൽ ഇറാൻ നടത്തിയ മിസൈൽ, ഡ്രോൺ ആക്രമണങ്ങൾക്ക് പിറകെ ഇറാന്റെ ഭാഗത്തുള്ള തീവ്രവാദ കേന്ദ്രങ്ങളിൽ പാകിസ്താൻ വ്യോമാക്രമണം നടത്തിയിരുന്നതാണ്. ഇതിനു പിറകെയാണ് ഷെഹർ ഷിൻവാരിയുടെ ട്വീറ്റ് വന്നിരിക്കുന്നത്.
‘പാകിസ്താൻ വ്യോമസേന നടത്തിയ വ്യോമാക്രമണങ്ങൾ സാഹോദര് രാജ്യമായ ഇറാന് പകരം ന്യൂഡൽഹിയിലും രേഷിംബാഗിലും നടത്തേണ്ടതായിരുന്നുവെന്ന് ഞാൻ വിശ്വസിക്കുന്നു. നമ്മുടെ പൊതുശത്രു ഇന്ത്യയും കൂടുതൽ വ്യക്തമായി പറഞ്ഞാൽ ആർഎസ്എസും ആണെന്നും ഇറാനും പാകിസ്താനും മനസ്സിലാക്കണമെന്നുമാണ് ‘ ഷെഹറിന്റെ ട്വീറ്റ്. ഇരു രാജ്യങ്ങളും ഒരുമിച്ചിരുന്ന് ചർച്ച ചെയ്ത് പ്രശ്നങ്ങൾ തീർക്കണം – ഷെഹർ ഷിൻവാരി പറഞ്ഞിരിക്കുന്നു. ഇന്ത്യയ്ക്കെതിരെ മുൻപും ഷെഹർ വിദ്വേഷ പരാമർശങ്ങൾ പല തവണ നടത്തിയിട്ടുണ്ട്.