കോതമംഗലം . കോതമംഗലത്ത് വീടിനു തൊട്ടടുത്ത സ്കൂളിലെ വാര്‍ഷികാഘോഷ പരിപാടി കാണാനായി പോയ കുട്ടിയെ കാണാതായി. വാരപ്പെട്ടി ഇഞ്ചൂരിൽ പ്രേമകുമാറിന്റെ മകൾ അളകനന്ദ പ്രേംകുമാറിനെ (11) യാണ് കാണാതായിരിക്കുന്നത്. ശനിയാഴ്ച വൈകുന്നേരം മൂന്ന് മണി മുതലാണ് കുട്ടിയെ കാണാതായതെന്ന് പൊലീസ് അറിയിച്ചു.
വീടിനടുത്തുള്ള സ്കൂളിലെ വാര്‍ഷികാഘോഷം കാണാൻ പോകു ന്നുവെന്ന് പറഞ്ഞാണ് കുട്ടി വീട്ടില്‍ നിന്ന് പോവുന്നത്. തുടർന്ന് മടങ്ങി വരാതായതോടെ പൊലീസിനെ അറിയിക്കുകയായിരുന്നു. സംഭവത്തില്‍ പോലീസ് അന്വേഷണം നടത്തുകയാണ്. എന്തെങ്കിലും വിവരം ലഭിക്കുന്നവര്‍ അടുത്തുള്ള പൊലീസ് സ്റ്റേഷനിലോ താഴെ കൊടുത്തിരിക്കുന്ന നമ്പറിലോ ബന്ധപ്പെടണമെന്ന് പൊലീസ് അറിയിച്ചു. കോതമംഗലം പൊലീസ് സ്റ്റേഷൻ നമ്പർ – 0485 2862328 എസ് ഐ – ഫോൺ നമ്പർ – 9497987125
