ബെംഗളൂരു . അപകടമാം വിധം വിമാനത്താവള റോഡിൽ ഓടിക്കൊണ്ടിരുന്ന കാറിന്റെ സൺറൂഫ് തുറന്ന് നൃത്തം ചെയ്ത് അപകട ഭീഷണി ഉണ്ടാക്കിയ 4 മലയാളി വിദ്യാർഥികൾ ബെംഗളൂരുവില അറസ്റ്റിലായി. കാർ യാത്രയുടെ ദൃശ്യങ്ങൾ സമൂഹമാധ്യമത്തിൽ പ്രചരിച്ച പിറകെ ചിക്കജാല പൊലീസ് ആണ് ഇവരെ അറസ്റ്റ് ചെയ്തതത്.
നഗരത്തിലെ വിവിധ കോളജുകളിൽ പഠിച്ചു വരുന്ന സൽമാൻ ഫാരിസ് (23), നസീം അബ്ബാസ് (21), സൽമാനുൽ ഫാരിസ് (20), മുഹമ്മദ് നുസായിഫ് (21) എന്നിവരാണ് അറസ്റ്റിലായിരിക്കുന്നത്. അമിത വേഗത്തിലുള്ള ഇവരുടെ കാർ യാത്രയുടെ ദൃശ്യങ്ങൾ സമൂഹമാധ്യമത്തിൽ പ്രചരിച്ച പിറകെ പൊലീസ് കേസെടുത്തിരുന്നു. മദ്യപിച്ചിരുന്നോയെന്നതു ഉൾപ്പെടെ കണ്ടെത്താൻ ഇവരെ വൈദ്യപരിശോധനക്ക് വിധേയമാക്കുന്നുണ്ട്.