ചലച്ചിത്ര അക്കാദമി ചെയര്മാന് സ്ഥാനത്ത് നിന്ന് സംവിധായകൻ രഞ്ജിത്തിനെ പുറത്താക്കണമെന്ന് ആവശ്യപ്പെട്ടു അക്കാദമി ജനറല് കൗണ്സില് അംഗങ്ങള്. മൊത്തം പതിനഞ്ച് അക്കാദമി ജനറല് കൗണ്സില് അംഗങ്ങളില് ഒമ്പത് അക്കാദമി ജനറല് കൗണ്സില് അംഗങ്ങള് യോഗം ചേർന്നാണ് ഇക്കാര്യം സര്ക്കാരിനോടാവ ശ്യപ്പെട്ടിരിക്കുന്നത്.
പതിനഞ്ച് അക്കാദമി ജനറല് കൗണ്സില് അംഗങ്ങളില് ഒമ്പത് പേരാണ് അന്താരാഷ്ട്ര ചലച്ചിത്രോല്സവം നടക്കുന്ന സമയത്ത് തന്നെ ഇതിനായി സമാന്തര യോഗം ചേര്ന്നത്. കുക്കുപരമേശ്വരന്, നടന് ജോബി, നിര്മാതാവ് മമ്മി സെഞ്ച്വറി എന്നിവരുള്പ്പെടെയുള്ളവരാണ് സമാന്തര യോഗം ചേര്ന്ന് രഞ്ജിത്തിനെ പുറത്താക്കണമെന്നാ വശ്യപ്പെട്ടിരിക്കുന്നത്.
അക്കാദമി ചെയര്മാന് സ്ഥാനത്ത് രഞ്ജിത്തിനെ ഇനി നിലനിര്ത്തരുതെന്നാണ് ഇവര് ഉന്നയിച്ചിരിക്കുന്ന ആവശ്യം. ആരോടും ആലോചിക്കാതെ തന്നിഷ്ടപ്രകാരം കാര്യങ്ങള് നടത്തിക്കൊണ്ടുപോവുകയാണ് രഞ്ജിത്ത്. ആരെയും വിശ്വാസത്തിലെടുക്കാതെ ഏകാധിപത്യ രീതിയിലാണ് ചെയര്മാന് പ്രവര്ത്തിക്കുന്നതെന്നും ജനറല് കൗണ്സില് അംഗങ്ങള് ആരോപിച്ചിട്ടുണ്ട്.
ചെയർമാൻ രഞ്ജിത്തിന്റെ തൊട്ടടുത്ത മുറിയിൽ തന്നെ സമാന്തര യോഗം ചേരുകയായിരുന്നു അക്കാദമി ജനറല് കൗണ്സില് അംഗങ്ങള്. സി പി എം ഇടതു കേന്ദ്രങ്ങളില് നിന്ന് തന്നെ രഞ്ജിത്തിനെതിരെ പല എതിര്പ്പുകളും ഇതിനകം തന്നെ ഉയർന്നിട്ടുണ്ട്. ഇന്ത്യന് എക്സ്പ്രസിന് നല്കിയ അഭിമുഖത്തില് പ്രമുഖ സംവിധായകന് ഡോ. ബിജുവിനെതിരെ രഞ്ജിത്ത് നടത്തിയ അഭിപ്രായപ്രകടനങ്ങള് വലിയ വിവാദം ഉണ്ടാക്കിയിരുന്നു.
ഇക്കാര്യത്തിൽ സാസംസ്കാരിക മന്ത്രി സജി ചെറിയാന് ഇടപെടുകയും താന് ഇക്കാര്യത്തെക്കുറിച്ച് രഞ്ജിത്തിനോട് വിശദീകരണം ആവശ്യപ്പെടുമെന്നും അറിയിച്ചിരുന്നു. ഇതിന്റെ പിറ്റേ ദിവസമാണ് പതിനഞ്ചംഗ അക്കാദമി ജനറല് കൗണ്സിലിലെ ഒമ്പത് അംഗങ്ങള് സമാന്തര യോഗം ചേര്ന്ന് രഞ്ജിത്തിനെ പുറത്താക്കണമെന്നാവശ്യപ്പെട്ടിരിക്കുന്നതെന്നാണ് ശ്രദ്ധേയം.