പാലക്കാട് . എക്സൈസ് ഓഫീസിനുള്ളിലെ ലോക്കപ്പില് പ്രതി തൂങ്ങിമരിച്ചെന്നു എക്സൈസ്. ഇടുക്കി സ്വദേശി ഷോജോ ജോൺ ആണ് മരിച്ചത്. രണ്ട് കിലോ ഹാഷിഷ് ഓയിൽ കടത്തിയ കേസിൽ കഴിഞ്ഞ ദിവസമാണ് ഷോജോ ജോണിനെ എക്സൈസ് പിടികൂടിയിരുന്നത്.
മൃതദേഹം പാലക്കാട് ജില്ലാ ആശുപത്രി മോർച്ചറിയിലേക്ക് മാറ്റും. സംഭവത്തിൽ എക്സൈസ് പറയുന്നതിൽ ദുരൂഹത ഉണ്ട്. ബുധനാഴ്ച വൈകീട്ടാണ് ഷോജോയെ വീട്ടിൽ നിന്ന് എക്സൈസ് കസ്റ്റഡിയിൽ എടുക്കുന്നത്. രാവിലെ 7 മണിയോടെ പ്രതി ലോക്കപ്പിനുള്ളില് തൂങ്ങി മരിച്ചെന്നാണ് എക്സൈസ് ഉദ്യോഗസ്ഥർ പറയുന്നത്.