കുഞ്ഞാലികുട്ടി പിണറായിക്ക് വേണ്ടി വിടുപണിചെയ്യുകയാണെന്ന് സേവ് കേരള ഫോറം സംസ്ഥാന ജനറൽ സെക്രട്ടറി കെ എം ഷാജഹാൻ. ക്രൈമിന്റെ പുതിയ ചാനലായ ‘ടി വിത്ത് ടി പി എന്നിൽ’ ചീഫ് എഡിറ്റർ നന്ദകുമാറുമായി നടന്ന അഭിമുഖത്തിൽ സംസാരിക്കുകയായിരുന്നു ഷാജഹാൻ.
കേരളത്തിലെ LDF ഉം UDF ഉം BJP യും ഒരേ സ്വാർത്ഥ താല്പര്യങ്ങൾ മാത്രം സംരക്ഷിക്കുകയാണ്. ഇപ്പോൾ ഏറ്റവും ഒടുവിൽ ഉണ്ടായ മുഖ്യ മന്ത്രിയുടെ മകളുടെ വിഷയത്തിൽ പോലും മുഖ്യമന്ത്രി രാജിവെക്കണം എന്ന് ആവശ്യവുമായി ഒരു ബഹുജന പ്രക്ഷോഭം നടത്താനോ ആ ആവശ്യം ഉന്നയിക്കാനോ UDFനു കഴിഞ്ഞിട്ടില്ല. ജനങ്ങളോട് ഉത്തരവാദിത്വമുള്ള ഒരു പ്രതിപക്ഷമായിരുന്നെങ്കിൽ മുഖ്യമന്ത്രി രാജി ആവശ്യപ്പെടുമായിരുന്നു – കെ എം ഷാജഹാൻ പറഞ്ഞു.
കേരളത്തിൽ LDF എന്നത് പുഴുത്ത് നാറിയ പുഴുവരിച്ച സംവിധാനമാണ്. 2021 ജനുവരിയിൽ തന്നെ പിണറായിയുടെ മകളെ അന്വേഷണ ഏജൻസി ചോദ്യം ചെയ്തിരുന്ന വിവരം മറച്ചു വെക്കുകയായിരുന്നു BJP. അത് അന്ന് അവർ പുറത്ത് പറഞ്ഞിരുന്നെങ്കിൽ പിണറായി വിജയൻ അധികാരത്തിൽ വരുമായിരുന്നില്ല. അപ്പോൾ പിണറായി വിജയൻ അധികാരത്തിൽ വരാൻ മുഖ്യ പങ്കു വഹിച്ചത് BJP ആണ്.
പിണറായിയെ സംരക്ഷിക്കുക എന്ന പൊട്ടത്തരമാണ് BJP കേരളത്തിൽ ചെയ്യുന്നത്. വികലമായ കാഴ്ചപ്പാട് കൊണ്ടാണത്. കേരളത്തിൽ ഒരു ബദൽ ശക്തിയാവുക എന്ന ലക്ഷ്യവുമായി രൂപീകൃതമായ സേവ് കേരള ഫോറം സംസ്ഥാന ജനറൽ സെക്രട്ടറി കെ എം ഷാജഹാൻ വരാനിരിക്കുന്ന ലോക സഭ തിരഞ്ഞെടുപ്പിൽ ആലപ്പുഴയിൽ നിന്ന് ജന വിധി തേടുകയാണ്. അദ്ദേഹത്തിന്റെ വാക്കുകളിലേക്ക്.
https://youtu.be/3fxjVNFrBDs?si=T7Pm7d5xCUmi0OV9