ബംഗളൂരു . മുഖ്യമന്ത്രി പിണറായി വിജയൻറെ മകൾ സ്വകാര്യ കരിമണല് കമ്പനിയായ സിഎംആര്എല്ലുമായിട്ടുള്ള മാസപ്പടി ഇടപാട് സംബന്ധിച്ച് സീരിയസ് ഫ്രോഡ് ഇന്വെസ്റ്റിഗേഷന് ഓഫീസ് (എസ്എഫ്ഐഒ) നടത്തുന്ന അന്വേഷണത്തിനെതിരെ എക്സാലോജിക് നല്കിയ ഹര്ജി കര്ണാടക ഹൈക്കോടതി തള്ളി. അന്വേഷണത്തില് ഇടപെടാന് കാരണമില്ലെന്നു ചൂണ്ടിക്കാട്ടിയാണ് ജസ്റ്റിസ് നാഗപ്രസന്ന വീണയുടെ ഹർജി തള്ളിയത്.
ഹര്ജിയില് തീരുമാനമാവുന്നതുവരെ അറസ്റ്റുപോലുള്ള കടുത്ത നടപടികളുണ്ടാകരുതെന്ന് ഹൈക്കോടതി നേരത്തെ നിര്ദേശിച്ചിരുന്നു. അന്വേഷണവുമായി സഹകരിക്കണമെന്നും, ആവശ്യമായ രേഖകള് എക്സാലോജിക് സൊലൂഷന്സ് എസ്എഫ്ഐഒയ്ക്ക് കൈമാറണമെന്നും കോടതി ആവശ്യപ്പെട്ടിരുന്നതാണ്.
എസ്എഫ്ഐഒ അന്വേഷണം നിലനില്ക്കില്ലെന്നാണ് എക്സാലോജിക്ക് കോടതിയില് വാദിച്ചത്. രജിസ്ട്രാര് ഓഫ് കമ്പനീസ് അന്വേഷണം തുടരുകയാണെന്നും ഇതുമായി സഹകരിക്കുന്നുണ്ടെന്നും എക്സാലോജിക് വാദിച്ചിരുന്നു. അതിനിടെ എസ്എഫ്ഐഒ അന്വേഷണം പ്രഖ്യാപിച്ച ഉത്തരവ് നിലനില്ക്കില്ലന്നും ഒടുവിൽഎക്സാലോജിക്ക് കോടതിയില് വാദിച്ചു നോക്കി.. എന്നാല് എസ്എഫ്ഐഒ അന്വേഷണം തുടങ്ങിയതോടെ രജിസ്ട്രാര് ഓഫ് കമ്പനീസിന്റെ അന്വേഷണം ഇല്ലാതായതായി കേന്ദ്ര സര്ക്കാര് വ്യക്തമാക്കിയതോടെ വീണയുടെ കമ്പനിയുടെ വാദമുഖങ്ങൾ ഒന്നടങ്കം കർണാടക ഹൈക്കോടതിയിൽ നിലം പൊത്തുകയായിരുന്നു.