തിരുവനന്തപുരം . ‘ആട്ടിന് തോലിട്ട ചെന്നായ’ എന്ന് ഓര്ത്തഡോക്സ് സഭക്ക് മുഖ്യമന്ത്രി പിണറായി വിജയൻറെ പ്രഹരം. ആട്ടിന് തോലിട്ട ചെന്നായ എന്ന പ്രയോഗം ആരെക്കുറിച്ചാണെന്ന് മുഖ്യമന്ത്രി വ്യക്തമാക്കണമെന്നും തര്ക്ക വിഷയത്തിൽ ഒരു വിഭാഗത്തോടൊപ്പം ചേർന്ന് മുഖ്യമന്ത്രി ഭരണഘടനാ ലംഘനം നടത്തിയിരിക്കുക യാണെന്നും ഓര്ത്തഡോക്സ് സഭ മാധ്യമ വിഭാഗം പ്രസിഡന്റ് യുഹാനോന് മാര് ദിയസ്കോറസ് കുറ്റപ്പെടുത്തി.
കഴിഞ്ഞ ദിവസം പുത്തന്കുരിശില് യാക്കോബായ സഭാ പരിപാടിയില് പങ്കെടുത്ത മുഖ്യമന്ത്രി നടത്തിയ പരാമര്ശങ്ങളിൽ ഓര്ത്തഡോക്സ് സഭ പ്രതിഷേധിച്ചു. തര്ക്ക വിഷയങ്ങളില് നിഷ്പക്ഷത പുലര്ത്തേണ്ടതിന് പകരം ഒരു വിഭാഗത്തിന്റെ മാത്രം വക്താവായി മുഖ്യമന്ത്രി മാറിയത് വേദനാജനകമാണ്. ഭരണഘടനാ ലംഘനം നടത്തിയിരിക്കുകയാണ് മുഖ്യമന്ത്രി – യുഹാനോന് മാര് ദിയസ്കോറസ് പറഞ്ഞു.
മുഖ്യമന്ത്രി വിളിച്ചു ചേര്ത്ത യോഗത്തില് എക്കാലവും സമാധാനപരമായ നിലപാടാണ് ഓര്ത്തഡോക്സ് സഭ സ്വീകരിച്ചിട്ടുള്ളത്. എന്നാല് ഓര്ത്തഡോക്സ് സഭയുടെ സമീപനത്തോട് തികഞ്ഞ അവഗണനയും നിഷേധാത്മക സമീപനവുമാണ് മുഖ്യമന്ത്രി സ്വീകരിക്കുന്നതെന്നും യുഹാനോന് മാര് ദിയസ്കോറസ് പറഞ്ഞു.