ന്യൂഡൽഹി . ശ്രീകൃഷ്ണന്റേ ജന്മ സ്ഥലമായ മഥുരയിൽ മഹാക്ഷേത്രം നിർമ്മിക്കണമെന്ന് ഹേമമാലിനി എംപി. രാമക്ഷേത്ര ചടങ്ങിന് മുന്നോടിയായി രാമായണം എന്ന നൃത്ത നാടകം അവതരിപ്പിക്കാൻ അയോദ്ധ്യയിൽ എത്തുമ്പോഴാണ് ഹേമമാലിനി ഇക്കാര്യം പറഞ്ഞത്.
മഥുരയും വൃന്ദാവനും ക്ഷേത്ര നഗരങ്ങളാണ്. ഇവിടെ ധാരാളം ക്ഷേത്രങ്ങൾ ഉണ്ട്, എന്നാൽ കൃഷ്ണന്റെ ജന്മസ്ഥലം വർഷങ്ങൾക്ക് മുമ്പ് നശിപ്പിക്കപ്പെട്ടു. അവിടെ ഒരു പള്ളി പണിയുകയും ഉണ്ടായി. അതിനാലാണ് ജനങ്ങൾക്ക് എതിർപ്പുള്ളത്. ഈ ഭൂമി ശ്രീകൃഷ്ണന്റേതാണ്. പ്രശ്നങ്ങൾ പരിഹരിക്കണം. ജന്മസ്ഥാൻ ശ്രീകൃഷ്ണന്റെ സ്ഥലമാണ്. അവിടെ മനോഹരമായ ഒരു ക്ഷേത്രം ഉണ്ടാകണം.‘ ഹേമമാലിനി പറഞ്ഞു.
പ്രതിപക്ഷം രാമക്ഷേത്രത്തെ എതിർക്കാൻ മുന്നിട്ടിറങ്ങിയിരിക്കു കയാണ്. നമ്മളെല്ലാം ഇന്ത്യക്കാരാണ്, അതിൽ അഭിമാനിക്കണം. പ്രതിപക്ഷം ഇതിനെ രാഷ്ട്രീയവത്കരിക്കുന്നത് ശരിയല്ല – ഹേമമാലിനി പറഞ്ഞു.