മദ്യപാനം പ്രോത്സാഹിപ്പിക്കുന്ന വീഡിയോകൾ സമൂഹമാധ്യമ ങ്ങളിൽ പോസ്റ്റ് ചെയ്തു വന്ന മല്ലു കുടിയൻ പൊലീസ് പിടിയിലായി. മല്ലു കുടിയൻ’ എന്ന് പേരുള്ള ഇൻസ്റ്റാ പ്രൊഫൈൽ ഉടമയാണ് അറസ്റ്റിലായത്. മദ്യപാനം പ്രോത്സാഹിപ്പിച്ച് സ്ഥിരമായി ഇൻസ്റ്റാഗ്രാമിൽ വീഡിയോകൾ പോസ്റ്റു ചെയ്തു വന്ന മല്ലു കുടിയൻ എന്ന അപരനാമധേയത്തിൽ അറിയപ്പെടുന്ന അഭിജിത്ത് അനിലിൻ്റെ (23) സ്ഥിരമാക്കിയിരുന്നു.
തിരുവല്ലയിൽ നിന്നാണ് മല്ലു കുടിയൻ അറസ്റ്റിലായത്. എക്സൈസ് സൈബർ സെല്ലിൽ നിന്ന് ലഭിച്ച വിവരത്തിന്റെ അടിസ്ഥാനത്തിലായിരുന്നു അറസ്റ്റ്. തിരുവല്ല സർക്കിൾ ഇൻസ്പെക്ടറുടെ നിർദ്ദേശപ്രകാരം റേഞ്ച് ഇൻസ്പെക്ടർ പ്രസന്നൻ ജി യും സംഘവും ആണ് പിടികൂടിയത്. കേരള അബ്കാരി നിയമം സെക്ഷൻ 55 (H) പ്രകാരമാണ് അഭിജിത്തിനെതിരെ കേസ് എടുത്തിട്ടുള്ളത്.