ശബരിമല . ശബരിമലയിൽ പതിനെട്ടാം പടിയിലിട്ടു പിണറായിയുടെ പോലീസ് തീര്ത്ഥാടകരെ മര്ദ്ദിച്ചു. വ്യാഴാഴ്ച 11 മണിക്ക് ശേഷം പതിനെട്ടാം പടി ചവിട്ടിയ നിരവധി തീര്ത്ഥാടകരെയാണ് പടിയില് ഡ്യൂട്ടി ചെയ്തിരുന്ന കേരള പോലീസിലെയും ഇന്ത്യന് റിസര്വ് ബറ്റാലിയന് സേനാംഗങ്ങള് തല്ലി ചതച്ചത്.
മര്ദ്ദനത്തില് തമിഴ്നാട്ടില് നിന്നുള്ള തീര്ത്ഥാടകന് ഗുരുതരമായി പരിക്കുണ്ട്. തമിഴ്നാട് തഞ്ചാവൂര് സ്വദേശി ദയാനന്ദ് (24)നെ ഗുരുതര പരിക്കോടെ സന്നിധാനം ആശുപത്രിയില് പ്രവേശിപ്പിച്ചു.
പരിക്ക് ഗുരുതരമായതിനാല് കൂടുതല് നിരീക്ഷണത്തിനായി ദയാനന്ദിനെ ഐസിയുവിലേക്ക് മാറ്റി. മര്ദ്ദനത്തില് ദയാനന്ദിന്റെ നെഞ്ചിനും നടുവിനും പരിക്കുണ്ട്. സംഭവത്തില് കുറ്റക്കാര്ക്കെതിരെ ശക്തമായ നടപടി സ്വീകരിക്കണമെന്ന് ദയാനന്ദിന്റെ ബന്ധുക്കള് ആവശ്യപ്പെട്ടു.