ഇന്ത്യന് റെയില്വെയുടെ തന്നെ വികസനകുതിപ്പിന് കാരണമായ വന്ദേഭാരത് എക്സ്പ്രസ് രാജ്യത്ത് വന് ചലനമാണുണ്ടാക്കിയിരിക്കെ സാധാരണക്കാര്ക്ക് ആശ്വസമായി കുറഞ്ഞ നിരക്കിൽ യാത്ര ചെയ്യാൻ അമൃത് ഭാരത് എക്സ്പ്രസ് ട്രെയിനുമായി ഇന്ത്യന് റെയില്വെ. ആദ്യ അമൃത് ഭാരത് ട്രെയിൻ 30ന് അയോധ്യയില് പ്രധാനമന്ത്രി ഉദ്ഘാടനം ചെയ്യും. ഒപ്പം ആറ് അമൃത് ഭാരത് ട്രെയിനുകളുടെ ഫ്ലാഗ് ഓഫും നടക്കും.
അയോധ്യ-ദര്ഭംഗ റൂട്ടിലാണ് രാജ്യത്തെ ആദ്യത്തെ അമൃത് ഭാരത് എക്സ്പ്രസ് യാത്രയാരംഭിക്കുന്നത്. അത്യാധുനിക സൗകര്യങ്ങളോടെ ഒരുങ്ങുന്ന സെമി ഹൈ സ്പീഡ് നോണ് എസി ട്രെയിനായ അമൃത ഭാരതിൽ കുറഞ്ഞ നിരക്കില് സാധാരണക്കാർക്ക് യാത്രചെയ്യാനാകും.
ആദ്യ അമൃത് ഭാരത് എക്സ്പ്രസ് അയോദ്ധ്യ-ദര്ഭംഗ റൂട്ടില് ഓടുമ്പോള് രണ്ടാമത്തേത് മാള്ഡ-ബെംഗളൂരു റൂട്ടിലാണ് ഓടുക. സീതാദേവിയുടെ ജന്മസ്ഥലമാണ് ദര്ഭംഗ. ഇവിടെ നിന്ന് ശ്രീരാമ ജന്മഭൂമിയിലേക്കാണ് ആദ്യ യാത്രയെന്നതും ആദ്യ അമൃത് ഭാരതിന്റെ സവിശേഷതയാണ്.
രാജ്യത്തെ എല്ലാവിഭാഗം ജനങ്ങള്ക്കും ആധുനിക ഗതാഗത സൗകര്യങ്ങള് ലഭ്യമാക്കുക എന്ന ലക്ഷ്യത്തോടെയാണ് അമൃത് ഭാരത് എക്സ്പ്രസ് റെയിൽവേ അവതരിപ്പിച്ചത്. അത്യാധുനിക സുരക്ഷാ സംവിധാനങ്ങളോടെ എല്എച്ച്ബി മോഡലിലാണ് ട്രെയിനിന്റെ ബോഗികള്.
22 ബോഗികളുള്ള ഈ ട്രെയിനില് എസി കോച്ചുകള്ക്ക് പകരം സാധാരണ കോച്ചുകളാണ് ഉണ്ടാവുക. സിസിടിവി ക്യാമറകള്, ആധുനിക ടോയ്ലറ്റുകള്, ബോഗികളില് സെന്സര് വാട്ടര് ടാപ്പുകള്, മെട്രോയുടെ മാതൃകയില് അനൗണ്സ്മെന്റ് സംവിധാനം എന്നിവയും അമൃത് ഭാരതില് സജ്ജമാക്കിയിരിക്കുന്നു.