എപ്പോള്‍ മരിക്കുമെന്നും ഇനി അറിയാം വിശ്വസിക്കുമോ? ഇല്ലെങ്കിൽ ഇനി വിശ്വസിച്ചേ മതിയാകൂ. ആയുസ് പ്രവചിക്കുന്ന എ ഐ ടൂള്‍ കണ്ടെത്തി ശാസ്ത്രജ്ഞര്. എപ്പോള്‍ മരിക്കുമെന്നു ഇനി മുൻകൂട്ടി അറിയാം. ആയുസ് പ്രവചിക്കുന്ന എ ഐ ടൂള്‍ രംഗത്തിറക്കിയിരിക്കുകയാണ് ശാസ്ത്രജ്ഞര്.
മരിച്ചവരും ജീവിച്ചിരിക്കുന്നവരും ആയ ആളുകളുടെ ക്ലോണുകള്‍ വരെ എഐ സാങ്കേതിക വിദ്യയില്‍ ചിത്രങ്ങളായും വീഡിയോ ആയും ലഭിക്കും. കൂടാതെ കഥ, നോവല്‍, തിരക്കഥ,, ചിത്രരചന തുടങ്ങി വിവിധ മേഖലകളില്‍ എ.ഐ ടൂളുകള്‍ പുതുതായി രംഗപ്രവേശനം ചെയ്തു. എ.ഐ സാങ്കേതിക വിദ്യ ഉപയോഗിച്ച്‌ ഒരാളുടെ ആയുസ് വരെ പ്രവചിക്കാൻ കഴിയുമെന്ന അവകാശപ്പെട്ട് രംഗത്തെത്തിയിരിക്കുകയാണ് ഡെൻമാര്‍ക്കിലെ ശാസ്ത്രജ്ഞര്.
ഡെൻമാര്‍ക്ക് ടെക്നിക്കല്‍ യൂണിവേഴ്‌സിറ്റിയിലെ ഗവേഷകരാണ് ഈ എ.ഐ മോഡലിന് പിന്നില്‍. ചാറ്റ് ജിപിടിയുടെ മാതൃകയില്‍ വികസിപ്പിച്ച ലൈഫ്2വെക് (LIFE2VEC) ആണ് ഈ എ.ഐ മോഡല്‍. രാജ്യത്തെ ജനങ്ങളുടെ വ്യക്തിഗത ഡാറ്റ ഉപയോഗിച്ചാണ് ഈ മോഡലിനെ പരിശീലിപ്പിക്കുക. ആരോഗ്യം, വിദ്യാഭ്യാസം, തൊഴില്‍, വരുമാനം തുടങ്ങിയ വ്യക്തിഗത വിവരങ്ങള്‍ അടിസ്ഥാനമാക്കി ലൈഫ്2വെക്കിന്റെ പ്രവചനം ഉണ്ടാവുന്നത്.
ഓരോ മനുഷ്യന്റെയും ജീവിതത്തില്‍ നടക്കുന്ന സംഭവ വികാസങ്ങളെ അടിസ്ഥാനമാക്കി ഈ എ.ഐ മോഡല്‍ ആയുസ് പ്രവചിക്കുകയെന്നും ഗവേഷകര്‍ പറഞ്ഞിരിക്കുന്നു. നിലവിലുള്ള ഏതൊരു സംവിധാനത്തെക്കാളും കൂടുതല്‍ കൃത്യമായി ആളുകളുടെ മരണസമയം പ്രവചിക്കാൻ ഈ മോഡലിന് കഴിയുമെന്നാണ് ശാസ്ത്രജ്ഞര് പറഞ്ഞിരിക്കുന്നത്. മരണം പ്രവചിക്കാനുള്ള ഒരു സംവിധാനം വേണമെന്ന് ആളുകള്‍ വര്‍ഷങ്ങളായി ആലോചിക്കുന്ന കാര്യമാണ്. അതിനെക്കുറിച്ച്‌ ഞങ്ങള്‍ക്ക് നല്ല ബോദ്ധ്യമുണ്ടായി രുന്നെന്ന് പഠനത്തിന് നേതൃത്വം നല്‍കിയ ശാസ്ത്രജ്ഞരില്‍ ഒരാളായ സുനെ ലേമാൻ പറഞ്ഞിട്ടുണ്ട്.
