നടി പ്രവീണ നൽകിയ പരാതികൾക്ക് ഇനിയും പരിഹാരമില്ല. പ്രവീണയുടെ പേരില് വ്യാജ സോഷ്യല് മീഡിയയിൽ വ്യാജ അക്കൗണ്ട് ഉണ്ടാക്കി ഒരാള് താരത്തിന്റെ ചിത്രങ്ങള് എഡിറ്റ് ചെയ്ത് അശ്ലീല ചിത്രങ്ങളാക്കി പ്രചരിപ്പിച്ചിരുന്നു. ഇപ്പോഴിതാ ആ സംഭവത്തില് ഒരിക്കല് കൂടി പ്രതികരിച്ച് രംഗത്തെത്തിയിരിക്കു കയാണ് പ്രവീണ.
അയാള് കുറ്റകൃത്യങ്ങള് ഇപ്പോഴും ആവര്ത്തിച്ചുകൊണ്ടിരി ക്കുകയാണ്. ആറുവര്ഷങ്ങള്ക്ക് മുമ്പ് തന്റെ പരാതിയില് പോലീസ് കേസെടുത്ത് അന്വേഷണം ആരംഭിച്ച് പ്രതിയെ അറസ്റ്റ് ചെയ്തിരുന്നുവെന്നും അയാള് ജാമ്യത്തിലിറങ്ങി ഇപ്പോഴും കുറ്റകൃത്യങ്ങള് ആവര്ത്തിച്ച് കൊണ്ടിരിക്കുകയാണെന്നും ആണ് പ്രവീണ പറയുന്നത്.
പ്രവീണയുടെ മാത്രമല്ല, വീട്ടുകാരുടെയും ചിത്രങ്ങള് മോര്ഫ് ചെയ്ത് പ്രചരിപ്പിക്കുന്നു. തന്റെ ചിത്രങ്ങള് വസ്ത്രമില്ലാത്ത രീതിയിലൊക്കെയാണ് പ്രചരിപ്പിക്കുന്നത്. ആ വീഡിയോ ഉണ്ടാക്കിയവന് അത് കണ്ട് ആസ്വദിക്കുന്നു. അവന് അത് മറ്റുള്ളവര്ക്കും ഷെയര് ചെയ്യുകയാണെന്നും മകളുടെ ഫോട്ടോകളെടുത്ത് മോര്ഫ് ചെയ്ത് ഫ്രണ്ട്സിനൊക്കെ അയക്കുകയാണെന്നും പ്രവീണ പരാതി പറയുന്നു.
പ്രവീണ കഴിഞ്ഞ ആറ് വര്ഷത്തോളമായി പരാതിയുമായി സൈബര് സെല്ലില് കയറിയിറങ്ങുന്നു. എന്നാല് ഇതുവരെ ഒരു പരിഹാരം കാണാന് കഴിഞ്ഞിട്ടില്ല. കുറ്റകൃത്യങ്ങള് ഇപ്പോഴും തുടരുകയാണെ ന്നും ഭാഗ്യരാജ് എന്ന തമിഴ്നാട് സ്വദേശിയാണ് ഇതിന് പിന്നിലെന്നും പ്രവീണ പറഞ്ഞിട്ടുണ്ട്.
ഒരു കാലത്ത് മലയാള സിനിമയില് നായികയായും സഹനടിയായും എല്ലാം തിളങ്ങിയിരുന്ന താരമാണ് നടി പ്രവീണ. നിരവധി സിനിമകളില് വേഷമിട്ട താരത്തിന് പക്ഷേ നായികയായി വേണ്ടത്ര ശ്രദ്ധിക്കപ്പെടാന് ആയില്ല. നായകന്മാരുടെ അനിയത്തിയായും നായികയായും സിനിമകളില് എത്തുകയായിരുന്നു അവർ. തുടർന്ന് സിരീയലകുളിലേക്ക് തിരിഞ്ഞ താരം കുടുംബ പ്രേക്ഷകരുടെ മനസ്സ് കീഴടക്കുകയായിരുന്നു. സിനിമയിലൂടെ എത്തി പിന്നീട് സീരിയല് രംഗത്തും സൂപ്പര് നായികയായി തിളങ്ങുക ആയിരുന്നു പ്രവീണ. മെഗാസ്റ്റാര് മമ്മൂട്ടി നായകനായ കളിയൂഞ്ഞാല് എന്ന ചിത്രത്തിലൂടെയാണ് പ്രവീണ സിനിമാ അഭിനയ രംഗത്തേക്ക് കടന്നു വരുന്നത്.