പത്തനംതിട്ട . ദത്തെടുത്ത12കാരിയെ പീഡിപ്പിച്ച വളര്ത്തച്ഛന് 109 വർഷം തടവിന് ശിക്ഷിച്ച് കോടതി. മാതാപിതാക്കൾ മരിച്ചതിൽ പിന്നെ ചൈല്ഡ് വെല്ഫെയര് കമ്മിറ്റി മുഖേന സംരക്ഷണത്തിനായി കൈമാറിയ തമിഴ് പെണ്കുട്ടിയെ വളര്ത്തച്ഛൻ ലൈംഗികമായി പീഡിപ്പിച്ച സംഭവത്തിലാണിത്. പത്തനംതിട്ട സ്വദേശിയായ പ്രതി ആറേകാല് ലക്ഷം രൂപ പിഴ ഒടുക്കണമെന്നും അതിവേഗ കോടതി ഉത്തരവിട്ടുണ്ട്.
വാദിഭാഗം ഹാജരാക്കിയ തെളിവുകളും സാക്ഷി മൊഴികളും എല്ലാം പ്രതിക്ക് എതിരായിരുന്നു. ഇന്ത്യന് ശിക്ഷാ നിയമം, പോക്സോ വകുപ്പുകള്, ബാലനീതി നിയമം എന്നിവ പ്രകാരമാണ് 109 വര്ഷം തടവ് ശിക്ഷ വിധിക്കുന്നത്. സംരക്ഷകനാകേണ്ട ആള് പെണ്കുട്ടിയെ ലൈംഗികമായി ചൂഷണം ചെയ്ത സംഭവത്തില് പരമാവധി ശിക്ഷയാണ് പ്രോസിക്യൂഷന് കോടതിയില് ആവശ്യപ്പെട്ടിരുന്നത്.
കുട്ടിയെ ചൈല്ഡ് വെല്ഫെയര് കമ്മിറ്റി മുഖേന ദത്തെടുക്കുകയാണ് ഉണ്ടായത്. 2021 മാര്ച്ച് മുതല് കുട്ടിയെ പീഡനത്തിന് ഇരായാക്കി വരുകയായിരുന്നു. മരിച്ചുപോയ തമിഴ് ദമ്പതികളുടെ മൂന്ന് മക്കളില് മൂത്തകുട്ടിയാണ് പീഡിപ്പിക്കപ്പെടുന്നത്. സ്കൂട്ടര് അപകടത്തില്പ്പെട്ട് ഭാര്യ കിടപ്പിലായതോടെ 12 വയസുകാരിയെ വളര്ത്താനാകില്ലെന്ന് കാണിച്ച് ഇയാള് കുട്ടിയെ ചൈല്ഡ് വെല്ഫെയര് കമ്മിറ്റിക്ക് തിരികെ നൽകിയിരുന്നു. മറ്റൊരു ദമ്പതികള് പെണ്കുട്ടിയുടെ സംരക്ഷണം ഏറ്റെടുക്കുകയും ആ വിട്ടീലെ സ്ത്രീയോട് ചൂഷണ വിവരം പെണ്കുട്ടി തുറന്നു പറയുകയുമാണ് ഉണ്ടായത്. സഹോദരങ്ങളും മുത്തശിക്കൊപ്പം കേരളത്തിൽ എത്തിയവരെ ജനപ്രതിനിധികള് ഇടപെട്ട് സംരക്ഷണ കേന്ദ്രത്തിൽ എത്തിച്ചു. ഇവിടെ നിന്ന് കുട്ടികളെ ചൈല്ഡ് വെല്ഫെയര് കമ്മിറ്റി ഏറ്റെടുക്കുന്നത്. ഒടുവില് സംരക്ഷണത്തിനായി പ്രതിക്ക് വിട്ടുനില്കുകയാണ് ഉണ്ടാവുന്നത്.