ഡൽഹി മദ്യ അഴിമതിക്കേസിലെ പ്രധാന ഗൂഢാലോചനക്കാരൻ കെജ്രിവാളാണെന്ന് ഇഡി കോടതിയിൽ. ‘ഞാൻ ദില്ലി മുഖ്യമന്ത്രി സ്ഥാനം രാജിവെക്കില്ല. ആവശ്യമെങ്കിൽ ഞാൻ സർക്കാരിനെ ജയിലിൽ നിന്ന് നയിക്കും’ ഇ ഡി കസ്റ്റഡിയിൽ അരവിന്ദ് കെജ്രിവാൾ ഒരു ദേശീയ മാധ്യമത്തോട് പറഞ്ഞു.
ഞായറാഴ്ച ഇഡി കസ്റ്റഡിയിൽ ഇരുന്നു തൻ്റെ ജോലി നിർവ്വഹിക്കു കയാണ് കെജ്രിവാൾ. അറസ്റ്റിന് പിന്നാലെ മുഖ്യമന്ത്രി സ്ഥാനം രാജി വെയ്ക്കില്ലെന്നും സർക്കാരിനെ ജയിലിനുള്ളിൽ നിന്ന് നയിക്കുമെന്ന് അരവിന്ദ് കെജ്രിവാൾ വ്യക്തമാക്കിയിരുന്നു. ജില്ലാ കോടതി ആറ് ദിവസത്തെ എൻഫോഴ്സ്മെന്റ് കസ്റ്റഡിയിൽ വിട്ടതിന് പിന്നാലെയാണ് കെജ്രിവാളിന്റെ പ്രതികരണം.
ഡൽഹി മുഖ്യമന്ത്രിയും പാർട്ടി ദേശീയ കൺവീനറുമായ അരവിന്ദ് കെജ്രിവാളിൻ്റെ അറസ്റ്റിനെതിരെ ആം ആദ്മി പാർട്ടി വ്യാപക പ്രതിഷേധത്തിലേയ്ക്ക് നീങ്ങിയിരിക്കുന്ന സാഹചര്യത്തിൽ പ്രതിഷേധക്കാരെ ഒഴിപ്പിക്കാൻ ഡൽഹി പോലീസ് ഞായറാഴ്ച തലസ്ഥാനത്ത് സുരക്ഷാ നടപടികൾ വർദ്ധിപ്പിച്ചു.
ഡൽഹി കോടതിയിൽ മൂന്ന് മണിക്കൂർ നീണ്ട വാദത്തിന് പിറകെ പ്രത്യേക ജഡ്ജി കാവേരി ബവേജ കെജ്രിവാളിനെ മാർച്ച് 28 വരെ എൻഫോഴ്സ്മെൻ്റ് ഡയറക്ടറേറ്റിൻ്റെ കസ്റ്റഡിയിൽ വിടുകയായിരുന്നു. കേസിൽ 10 ദിവസത്തെ കസ്റ്റഡി ആവശ്യപ്പെട്ടുള്ള എൻഫോഴ്സ്മെൻ്റ് ഡയറക്ടറേറ്റിൻ്റെ (ഇഡി) അപേക്ഷയിലാണ് കോടതി ഉത്തരവ് ഉണ്ടാവുന്നത്.