കൊല്ലം . മൊബൈൽ ഫോണിലെ ലൈംഗിക ദൃശ്യങ്ങൾ അടങ്ങിയ വീഡിയോകൾ കാണിച്ച് എൽ പി സ്കൂൾ വിദ്യാർത്ഥിനികളെ പീഡിപ്പിച്ച അറബി അധ്യാപകൻ അറസ്റ്റിലായി. കുളത്തൂപ്പുഴയിൽ എൽ പി സ്കൂൾ വിദ്യാർത്ഥിനികളെ അശ്ലീല ദൃശ്യങ്ങൾ കാണിച്ച് പീഡിപ്പിച്ച സംഭവത്തിൽ തിരുവനന്തപുരം കാട്ടാക്കട പൂവച്ചൽ സ്വദേശി ബാത്തി ഷായാണ് അറസ്റ്റിലായത്.
ഭിന്നശേഷിക്കാരനായ പ്രതി, തൻ്റെ മൊബൈൽ ഫോണിൽ ലൈംഗിക ദൃശ്യങ്ങൾ അടങ്ങിയ വീഡിയോകൾ കാണിച്ചാണ് പെൺകുട്ടികളെ ലൈംഗികാതിക്രമത്തിന് ഇരയാക്കി വന്നിരുന്നത്. മൂന്നിലും നാലിലും പഠിക്കുന്ന പെൺകുട്ടികളാണ് ഇയാളുടെ ലൈംഗിക വൈകൃതങ്ങൾക്ക് ഇരയായതെന്നാണ് പരാതി.
പെൺകുട്ടികളെ ലെെംഗിക പീഡനത്തിന് വിധേയമാക്കിയ സംഭവ ത്തിൽ അധ്യാപകനെതിരെ പരാതി ഉയർന്നിരുന്നു. സംഭവത്തിൽ കേസെടുത്ത പൊലീസ് ബാത്തി ഷായെ മടത്തറയിൽ നിന്ന് പിടികൂടു കയായിരുന്നു. പ്രതി മൂന്നുമാസം മുൻപാണ് സ്കൂളിൽ ജോലിക്ക് വന്നു തുടങ്ങിയത്. ജോലിക്ക് കയറി ദിവസങ്ങൾ കഴിഞ്ഞതോടെ പ്രതിയെ ക്കുറിച്ചുള്ള പരാതികൾ ഉണ്ടാവുകയായിരുന്നു.
സ്കൂളിൽ ജോലിക്കു പ്രവേശിച്ചത് മുതൽ ഇയാൾ കുട്ടികളെ തൻ്റെ മൊബൈലിലെ ലൈംഗിക ദൃശ്യങ്ങൾ കാട്ടുക പതിവായിരുന്നു. സംഭവം പലതവണ ആവർത്തിച്ചതോടെ കുട്ടികൾ വീടുകളിൽ വിവരം അറിയിക്കുകയായിരുന്നു. തുടർന്ന് നടന്ന അന്വേഷണത്തിൽ നിരവധി കുട്ടികൾക്ക് ഇത്തരത്തിൽ അനുഭവമുണ്ടായതായി ബോധ്യപ്പെട്ടതിനെ തുടന്ന് രക്ഷിതാക്കൾ കുളത്തൂപ്പുഴ പൊലീസിൽ വിവരം അറിയിക്കുകയായിരുന്നു.
