കൊച്ചി . കേന്ദ്രം അര്‍ഹതപ്പെട്ട വിഹിതം തരുന്നില്ലെന്നും തങ്ങളെ ശ്വാസംമുട്ടിക്കുകയാണെന്നും സര്‍ക്കാരും മുഖ്യമന്ത്രിയടക്കമുള്ള മന്ത്രിമാരും ഇടതുസംഘടനകളും മുറവിളി കൂട്ടുമ്പോൾ, കേന്ദ്രം നല്കുന്ന കോടികളുടെ ഗ്രാന്റുകള്‍ കേരളത്തിലെ കോര്‍പറേഷനുകള്‍ പാഴാക്കുന്നു എന്ന കണക്കുകൾ പുറത്ത്. 2022-23 ലെ ഓഡിറ്റ് റിപ്പോര്‍ട്ടിലാണ് ഇക്കാര്യം പറഞ്ഞിരിക്കുന്നത്.
കേന്ദ്ര ധനകാര്യ കമ്മിഷന്‍ ശിപാര്‍ശ പ്രകാരം 2022-23ല്‍ കേരളത്തിന് ഗ്രാന്റായി നല്കിയ 373.71 കോടിയില്‍ കോര്‍പറേഷനുകള്‍ ചെലവഴിച്ചത് 120.53 കോടി മാത്രം. മാലിന്യ സംസ്‌കരണം, ശുദ്ധജല വിതരണം, ശുചീകരണം എന്നിവയ്‌ക്കായുള്ളതാണ് കേരളം പാഴാക്കിയത്.
പദ്ധതി നിര്‍വഹണത്തിന്റെ കാര്യത്തിൽ കേരളത്തിൽ ഗുരുതര വീഴ്ചകളുണ്ടെന്ന് 2022-23 ലെ ഓഡിറ്റ് റിപ്പോര്‍ട്ടിൽ പറഞ്ഞിരിക്കുന്നു. നിശ്ചിത ആവശ്യങ്ങള്‍ക്കായി കേന്ദ്രം നല്കിയ ഗ്രാന്റ് 38.22 കോടിയും ഹെല്‍ത്ത് ഗ്രാന്റ് 8.6 കോടിയും തിരുവനന്തപുരം കോര്‍പറേഷന്‍ വിനിയോഗിച്ചിട്ടില്ല.
