കണ്ണൂര് . കേരളത്തിൽ കോൺഗ്രസിനെ എങ്ങനെയും തകർക്കാൻ ലക്ഷ്യമിട്ടു അവസാന ഗുണ്ട് കണ്ണൂരിൽ പൊട്ടിച്ച് പിണറായി വിജയൻ. ‘ഇന്ഡി എന്നത് ഒരു മുന്നണിയല്ലെന്നും അത് ഒരു സംവിധാനം മാത്രമാണെന്നും’ മുഖ്യമന്ത്രി പിണറായി വിജയന് കണ്ണൂരിൽ പറഞ്ഞു. രാഹുല് പ്രധാനമന്ത്രി സ്ഥാനാര്ത്ഥിയല്ലെന്നും പിണറായി പ്രഖ്യാപനം നടത്തി. കണ്ണൂര് ചേംബര് ഹാളില് പ്രസ് ക്ലബ്ബ് സംഘടിപ്പിച്ച മീറ്റ് ദി ലീഡര് പരിപാടിയില് സംസാരിക്കുകയായിരുന്നു പിണറായി.
പറയുമ്പോള് തിരിച്ച് കിട്ടുമെന്ന് രാഹുലും മനസിലാക്കണം. ഭാരത് ജോഡോ യാത്രയൊക്കെ നടത്തിയതിന് ശേഷം രാഹുലിന് നല്ല മാറ്റം വന്നുവെന്നാണ് കോണ്ഗ്രസുകാര് സൗഹൃദ സംഭാഷണത്തില് പറഞ്ഞത്. എന്നാല് ഈ ഘട്ടത്തില് അദ്ദേഹം കേരളത്തില് വന്ന് പറഞ്ഞ കാര്യങ്ങള് ഒരു സാധാരണ രാഷ്ട്രീയ നേതാവ് പറയുന്ന കാര്യങ്ങളല്ല – പിണറായി പറഞ്ഞു.
തെരഞ്ഞെടുപ്പ് സമയത്ത് കേരളത്തില് വന്ന് അന്വേഷണ ഏജന്സികളെ സഹായിക്കുന്ന നിലപാട് സ്വീകരിച്ചത് തീര്ത്തും പ്രതിഷേധാര്ഹമാണ്. ഇവിടെയുള്ള കോണ്ഗ്രസ് നേതാക്കള്ക്ക് ചില താത്പര്യമുണ്ട്. അതിന്റെ ഭാഗമായി വിഡ്ഢിത്തം പറയേണ്ട നേതാവല്ല രാഹുല്. അതുകൊണ്ടാണ് നിങ്ങള് പഴയ പേരിലേക്ക് മാറരുതെന്ന് പറഞ്ഞത്. ഒരു മാറ്റവും വന്നില്ലെന്നാണ് രാഹുലിന്റെ വാക്കുകള് വ്യക്തമാക്കുന്നതെന്നും പിണറായി പറയുകയുണ്ടായി. പ്രസ് ക്ലബ്ബ് പ്രസിഡന്റ് സിജി ഉലഹന്നാന്, സെക്രട്ടറി കെ. വിജേഷ്, വൈസ് പ്രസിഡന്റ് സബിന പത്മന് എന്നിവര് സംസാരിച്ചു.