ലക്‌നൗ . അയോധ്യയിൽ പ്രാണപ്രതിഷ്ഠയ്‌ക്കായി ഒരുങ്ങിയിരിക്കുന്ന രാമ ക്ഷേത്രത്തിന്റെ ചിത്രങ്ങൾ പങ്കു വെച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. ക്ഷേത്രത്തിന്റെ മുന്നിൽ നിന്നും പകർത്തിയ തന്റെ ചിത്രവും യോഗി പങ്കുവച്ചു.
പ്രാണപ്രതിഷ്ഠാ ചടങ്ങിന് മുന്നോടിയായി അയോദ്ധ്യയിലെത്തി യോഗി ആദിത്യനാഥ് ഒരുക്കങ്ങൾ വിലയിരുത്തി. സന്ന്യാസിമാർക്കും പുരോഹിതന്മാർക്കും ഒപ്പമെത്തി യാഗശാലയിലെ ഹോമകു ണ്ഡത്തിൽ യോഗി ആരതി നടത്തി. തുടർന്ന് ക്ഷേത്രത്തിന്റെ നിർമ്മാണ പ്രവർത്തനങ്ങൾ അദ്ദേഹം വിലയിരുത്തി.
അയോദ്ധ്യ അന്താരാഷ്‌ട്ര വിമാനത്താവളത്തിലെത്തിയ യോഗി ഹനുമാൻ ഗഡി ക്ഷേത്രത്തിൽ ദർശനം നടത്തി. ജഗദ്ഗുരു സ്വാമി രാമഭദ്രാചാര്യയെയും അദ്ദേഹം സന്ദർശിക്കുകയുണ്ടായി. പിന്നീടാണ് രാമക്ഷേത്രത്തിൽ എത്തിയത്. പ്രാണപ്രതിഷ്ഠയ്‌ക്കായി ഒരുങ്ങിയി രിക്കുന്ന ക്ഷേത്രത്തിന്റെ മുന്നിൽ നിന്നും പകർത്തിയ തന്റെ ചിത്രവും യോഗി പങ്കു വെക്കുകയുണ്ടായി .
ജനുവരി 22 നാണ് അയോദ്ധ്യ രാമക്ഷേത്രത്തിന്റെ പ്രാണപ്രതിഷ്ഠ നടക്കുന്നത്. അതിനു മുന്നോടിയായി ക്ഷേത്രത്തിൽ പ്രതിഷ്ഠിക്കാ നുള്ള രാംലല്ലയുടെ വിഗ്രഹം കഴിഞ്ഞദിവസം അയോദ്ധ്യയിൽ എത്തി. കർണാടകയിലെ മൈസൂരുവിൽ തയ്യാറാക്കിയ വിഗ്രഹം ഘോഷയാത്രയായാണ് അയോദ്ധ്യയിൽ എത്തിച്ചത്. തുടർന്ന് ക്ഷേത്രത്തിനുള്ളിൽ വിഗ്രഹം സ്ഥാപിച്ചു. മറച്ച നിലയിലുള്ള വിഗ്രഹത്തിന്റെ ചിത്രം കഴിഞ്ഞ ദിവസം ക്ഷേത്ര് ട്രസ്റ്റ് പുറത്തുവിട്ടിരുന്നത്.
