കണ്ണൂർ . കണ്ണൂർ വിസിയുടെ പുനർ നിയമനം സംബന്ധിച്ച കാര്യത്തിൽ സുപ്രീം കോടതിയിൽ പുനപരിശോധന ഹർജി നൽകി പിണറായി സർക്കാർ. വിസിയുടെ പുനർ നിയമനം റദ്ദാക്കിയ സുപ്രീം കോടതി ഉത്തരവ് പുനഃ പരിശോധിക്കണമെന്നാണ് ഹർജിയിൽ ആവശ്യപ്പെടുന്നത്. ഡോ. ഗോപിനാഥ് രവീന്ദ്രൻ്റെ നിയമനം റദ്ദാക്കിയ സുപ്രീം കോടതി വിധിക്കെതിരെയാണ് പുനപരിശോധന ഹർജി.
നിയമിക്കപ്പെട്ടയാളുടെ യോഗ്യതയിൽ കോടതിക്ക് സംശയമില്ലാ യിരുന്നു എന്നും ഹർജിക്കാർ പോലും ഉന്നയിക്കാത്ത വാദം ചൂണ്ടിക്കാട്ടിയാണ് കോടതി വിധിയെന്നും പറയുന്ന പുനപരിശോധന ഹർജിയിൽ നിയമനരീതിയെക്കുറിച്ചും കോടതിക്ക് എതിർപ്പുണ്ടായിരുന്നില്ലെന്നും വിധി രാഷ്ട്രീയ കോലാഹലത്തിന് കാരണമായി എന്നും സർക്കാർ ആരോപ്പിച്ചിരിക്കുകയാണ്.
മികച്ച വിദഗ്ധനാണ് പുറത്ത് പോയ വിസിയെന്നു സർക്കാർ അവകാശപ്പെടുന്നുണ്ട്. ഗോപിനാഥ് രവീന്ദ്രൻ്റെ നേട്ടങ്ങൾ ഹർജിയിൽ എണ്ണിപ്പറഞ്ഞു കൊണ്ടാണ് സംസ്ഥാനം പുനപരിശോധന ഹർജി നൽകിയിട്ടുള്ളത്. വിധി സംസ്ഥാനത്തോട് മുൻവിധിയോടെയുള്ള വിധിയാണെന്നും കടുത്ത അനീതി സംസ്ഥാനത്തോട് ഇതുവഴി ഉണ്ടായി എന്നും സർക്കാരിന്റെ ഹർജിയിൽ പറഞ്ഞിട്ടുണ്ട്.