പത്തനംതിട്ട . സന്നിധാനത്തേക്ക് എത്തുന്ന അയ്യപ്പ ഭക്തരുടെ വാഹനങ്ങൾ പോലീസ് ഇടത്താവളങ്ങളിൽ തടഞ്ഞത് വൻ പ്രതിഷേധത്തിന് നിടയാക്കി. പുലർച്ചെ അഞ്ച് മണി മുതൽ വാഹനങ്ങൾ ഇടത്താവളങ്ങളിൽ തടഞ്ഞിടുകയായിരുന്നു പോലീസ്. മണിക്കൂറുകളോളം വഴിയിൽ കുടുങ്ങിയ തീർത്ഥാടകർ റോഡിലിറങ്ങി പ്രതിഷേധിക്കേണ്ടി വന്നു. എന്നാൽ തിരക്ക് കുറയുന്നതിന് അനുസരിച്ച് മാത്രമാകും കടത്തി വിടാൻ സാധിക്കുക എന്നായിരുന്നു ഇതിന് പോലീസ് നൽകിയ വിശദീകരണം
എരുമേലിയിൽ ഭക്തരുടെ തിരക്ക് വർദ്ധിച്ചതോടെയാണ് നിയന്ത്രണമെന്നാണ് പോലീസ് പറയുന്ന ന്യായം. അവധി ദിവസമായതിനാൽ പുലർച്ചെ അഞ്ച് മുതൽ തടഞ്ഞു നിർത്തിയതോടെ അയ്യപ്പ ഭക്തർ തീർത്തും പാളയുകയായിരുന്നു. പലർക്കും വൈകിട്ട് 3 മണിയായിട്ടു പോലും ഭക്ഷണം പോലും കിട്ടിയില്ല. തുടർന്ന് ഭക്തർ പോലീസ് ഉദ്യോഗസ്ഥരുമായി വാക്കേറ്റമുണ്ടായി.
പാലാ പൊൻകുന്നം റോഡിൽ പൂവരണി അമ്പലത്തിന് സമീപം നിരവധി അയ്യപ്പന്മാർ ഉച്ചക്ക് ശേഷവും കുടുങ്ങി കിടക്കേണ്ടി വന്നു. ഇടത്താവളങ്ങൾ ഇല്ലാത്ത പ്രദേശമായതിനാൽ വാഹനങ്ങൾ തടഞ്ഞതോടെ പ്രാഥമിക ആവശ്യങ്ങൾ നിറവേറ്റാൻ പോലും കഴിയാതെ തീർത്ഥാടകർ കഷ്ടത്തിലായി. അയ്യപ്പഭക്തന്മാർ വഴിയിൽ കുത്തിയിരുന്ന് ശരണം വിളിച്ചതോടെ കുറച്ച് വാഹനങ്ങൾ പോലീസ് കടത്തിവിട്ടെങ്കിലും വീണ്ടും തടഞ്ഞിട്ടിരിക്കുകയാണ്. കാഞ്ഞിരപ്പള്ളി, മുണ്ടക്കയം, എരുമേലി എന്നിവിടങ്ങളിലും പോലീസിന്റെ ഭക്തരെ പൊരുതി മുട്ടിക്കുന്ന നിയന്ത്രണം തുടരുന്നു.
അതേസമയം, തങ്ക അങ്കി ഘോഷയാത്രയോടനുബന്ധിച്ച് ഡിസംബർ 26-ന് ശബരിമലയിൽ ഗതാഗത നിയന്ത്രണം ഏർപ്പെടുത്തുന്നുണ്ട്. ഇടത്താവളങ്ങളിൽ പോലീസ് തടഞ്ഞ പാകതരുടെ വാഹനങ്ങൾ പമ്പയിലേക്ക് രാത്രിയും വിടാതിരുന്നാൽ ഇത് കൂടുതൽ ഭക്ത ജനത്തിരക്ക് സൃഷ്ട്ടിക്കലായി മാറും. പൂജാ സമയക്രമത്തിൽ മാറ്റമുള്ള സാഹചര്യത്തിൽ നിലയ്‌ക്കൽ നിന്ന് ഭക്തരെ പമ്പയിലേക്ക് കടത്തി വിടുന്നതിന് പോലീസ് നിയന്ത്രണം ഏർപ്പെടുത്തിയിട്ടുണ്ടെന്ന് തിരുവിതാംകൂർ ദേവസ്വം ബോർഡ് പറയുന്നു.
ഉച്ച പൂജയ്‌ക്ക് ശേഷം വൈകിട്ട് അഞ്ച് മണിക്കാണ് ശബരിമല നട തുറക്കുന്നത്. ഇതിനാൽ 26 ന് രാവിലെ 11 മണിവരെ നിലയ്‌ക്കൽ എത്തുന്ന അയ്യപ്പഭക്തരുടെ വാഹനങ്ങൾ മാത്രമമെ പമ്പയിലേക്ക് കടത്തി വിടുകയുള്ളൂ എന്നാണ് ദേവസ്വം ബോർഡിൻറെ അറിയിപ്പ്. എന്നാൽ ഭക്തരുടെ 25ന് രാവിലെ മുതൽ തടയുകയായിരുന്നു പോലീസ്. നാളെ 11 മണി കഴിഞ്ഞ് എത്തുന്നവർക്ക് മൂന്നുമണിക്കൂറെങ്കിലും നിലയ്‌ക്കൽ തന്നെ തുടരേണ്ടി വരുമെന്ന് പോലീസ് വ്യക്തമാക്കിയതായി ദേവസ്വം ബോർഡ് അറിയിച്ചിരുന്നത്.
