കൊളംബോ . ശ്രീലങ്കയിൽ ശക്തമായ ഭൂചലനം ഉണ്ടായതായി നാഷണൽ സെന്റർ ഫോർ സീസ്മോളജി. ചൊവ്വാഴ്ച ഉച്ചക്ക് ഇന്ത്യൻ സമയം 12 : 31 നാണ് ഭൂചലനം ഉണ്ടായത്. റിക്ടർ സ്കെയിലിൽ 6.2 തീവ്രത രേഖപ്പെടുത്തിയ ശക്തമായ ഭൂചലനത്തിൽ ആളപായമൊന്നും ഇതുവരെ റിപ്പോർട്ട് ചെയ്തിട്ടില്ല.
ശ്രീലങ്കയിൽ നിന്ന് 800 കിലോമീറ്റർ തെക്കുകിഴക്കായി ഇന്ത്യൻ മഹാസമുദ്രത്തിൽ 10 കിലോമീറ്റർ ആഴത്തിലാണ് ഈ ഭൂചനത്തിന്റെ പ്രഭവകേന്ദ്രം രേഖപ്പെടുത്തിയിട്ടുള്ളത്. ശ്രീലങ്കയ്ക്ക് പ്രത്യേകിച്ച് അപകടമൊന്നുമില്ലെന്ന് ജിയോളജിക്കൽ സർവേ ആൻഡ് മൈൻസ് ബ്യൂറോ പറഞ്ഞിട്ടുണ്ട്.
അതേസമയം ശ്രീലങ്കയിൽ ഭൂചലനം ഉണ്ടായ സമയത്ത് ലഡാക്കിലും ഭൂചലനം ഉണ്ടായിട്ടുണ്ട്. റിക്ടർ സ്കെയിലിൽ 4.4 തീവ്രത രേഖപ്പെടുത്തിയ ഭൂചലനമാണ് ലഡാക്കിൽ ഉണ്ടായത്. ഇന്ത്യൻ സമയം ഉച്ചക്ക് 1.08 നാണ് ലഡാക്കിൽ ഭൂചലനം അനുഭവപ്പെടുന്നത്.