ബാഴ്‌സലോണയുടെ അര്‍ജന്റൈ താരം ലയണല്‍ മെസിക്ക് പിഴശിക്ഷ. അന്തരിച്ച ഫുട്‌ബോള്‍ ഇതിഹാസം ഡീഗോ മറഡോണയ്ക്ക് കളിക്കളത്തില്‍ ആദരമര്‍പ്പിച്ചതിനാണ് സ്പാനിഷ് സോക്കര്‍ ഫെഡറേഷന്‍ നടപടിയെടുത്തത്.
നവംബര്‍ 29-ന് ലാ ലിഗയില്‍ ഒസാസൂനയ്‌ക്കെതിരായ മത്സരത്തില്‍ ഗോളടിച്ചശേഷം മെസി തന്റെ ബാഴ്‌സ ജഴ്‌സി അഴിച്ച് അര്‍ജന്റീന ക്ലബ് ന്യൂവെല്‍സ് ഓള്‍ഡ് ബോയ്‌സിലെ മാറഡോണയുടെ 10-ാം നമ്പര്‍ ജഴ്‌സി പ്രദര്‍ശിപ്പിച്ചിരുന്നു. ഇതിനുശേഷം ഇരുകൈകളും ചുംബിച്ച് ആകാശത്തേക്ക് ഉയര്‍ത്തുകയും ചെയ്തു. മത്സരത്തില്‍ ബാഴ്‌സ എതിരില്ലാത്ത നാലു ഗോളുകള്‍ക്ക് ജയിച്ചിരുന്നു. മത്സരശേഷം താന്‍ ആദരമര്‍പ്പിക്കുന്നതിന്റെ ചിത്രം മെസി സമൂഹമാധ്യമങ്ങളില്‍ പോസ്റ്റ് ചെയ്യുകയും ചെയ്തു.
മെസിക്ക് 600 യൂറോ (720 ഡോളര്‍) പിഴവിധിച്ച സ്പാനിഷ് സോക്കര്‍ ഫെഡറേഷന്‍ ബാഴ്‌സലോണ ക്ലബ്ബിനോട് 180 യൂറോ പിഴയടയ്ക്കാനും നിര്‍ദേശിച്ചിട്ടുണ്ട്. മത്സരത്തിനിടെ ജഴ്‌സി അഴിച്ചുമാറ്റിയതിനു പിന്നാലെ തന്നെ റഫറി മെസിക്കു നേരെ മഞ്ഞക്കാര്‍ഡ് നല്‍കിയിരുന്നു.
Summary : Lionel Messi fined for paying tribute to football legend Diego
