കൊച്ചി . ജസ്ന തിരോധാന കേസില് പിതാവ് നല്കിയ ഹര്ജിയിലെ ആരോപണങ്ങള് സിബിഐ കോടതിയിൽ നിഷേധിച്ചു. ചോദ്യം ചെയ്തപ്പോള് പറയാത്ത കാര്യങ്ങളാണ് ഹര്ജിയില് പറയുന്നത് എന്നാണ് സി ബി ഐ പറഞ്ഞിരിക്കുന്നത്. ജസ്നയ്ക്ക് ഗര്ഭ ലക്ഷണങ്ങള് ഉണ്ടായിരുന്നില്ല. ആണ് സുഹൃത്തിനെ പോളിഗ്രാഫ് ടെസ്റ്റിന് വിധേയമാക്കിയതാണ്. ആര്ത്തവരക്തം പുരണ്ട വസ്ത്രം കണ്ടെടുത്തിട്ടില്ലെന്നും സിബിഐ പറയുന്നു. അതേസമയം, കാണാതായ ‘ജെസ്നയ്ക്ക് ഗര്ഭ ലക്ഷണങ്ങള് ഉണ്ടായിരുന്നില്ല’ എന്ന് സി ബി ഐ ക്ക് എങ്ങനെ പറയാനായി എന്നത് ദുരൂഹത ഉണ്ടാക്കുന്നുണ്ട്.
നിലവില് അന്വേഷണം അവസാനിപ്പിച്ചിട്ടില്ലെന്നു പറഞ്ഞ സിബിഐ, ഹര്ജിയില് പറയുന്ന കാര്യങ്ങളില് അന്വേഷണം ആവശ്യമില്ലെന്നാണ് കോടതിയിൽ പറഞ്ഞിരിക്കുന്നത്. കേസ് ഈ മാസം 12ന് വീണ്ടും പരിഗണിക്കും. സിബിഐ കേസ് അവസാനിപ്പി ച്ചതിന് എതിരെയായിരുന്നു ജസ്നയുടെ പിതാവിന്റെ ഹര്ജി. ജസ്നയുടെ തിരോധാനവുമായി ബന്ധപെട്ട് പല കാര്യങ്ങളും സിബിഐ അന്വേഷിച്ചിട്ടില്ലെന്നായിരുന്നു ഹര്ജിയിൽ ഉന്നയിച്ചിരുന്നത്. ജസ്നയെ കാണാതായ സ്ഥലത്തോ, ജസ്നയുടെ സുഹൃത്തിനെ പറ്റിയോ, അന്വേഷണം നടത്തിയില്ലെന്നാണ് പരാതി. എന്നാല് വിശദമായ അന്വേഷണം നടത്തിയിട്ടുണ്ടെന്നാണ് സിബിഐ വാദിക്കുന്നത്.
ബന്ധുവീട്ടിലേക്ക് പോകുന്നുവെന്ന് പറഞ്ഞു വീട്ടിൽ നിന്നിറങ്ങിയ ജസ്നയെ 2018 മാര്ച്ച് 22-നാണ് കാണാതാകുന്നത്. ലോക്കല് പൊലീസും പ്രത്യേക സംഘവും ക്രൈം ബ്രാഞ്ചും അന്വേഷിച്ച ശേഷമാണ് ഹൈക്കോടതി നിര്ദ്ദേശ പ്രകാരം സിബിഐകേസ് ഏറ്റെടുത്തത്. എന്നാൽ ഈ കേസിലെ മുഖ്യ കണ്ണിയായ ആൺ സുഹൃത്തിനെ മൂടി വെക്കാനാണ് കേസന്വേഷണത്തിന്റെ തുടക്കം മുതൽ അന്വേഷണ ഏജൻസികൾ ശ്രമിച്ചു വന്നിരുന്നത്.