അരുണാചൽ പ്രദേശിൽ ദുരൂഹസാഹചര്യത്തിൽ മരിച്ച നിലയിൽ കണ്ടെത്തിയ കോട്ടയം മീനടം സ്വദേശിയായ നവീൻ തോമസ് ഭാര്യ ദേവി, തിരുവനന്തപുരം വട്ടിയൂര്ക്കാവ് മണികണ്ഠേശ്വരം സ്വദേശി ആര്യ ബി നായര് എന്നിവരുടെ ജീവനെടുത്തത് ദുർമന്ത്രവാദം വഴി പുനർ ജന്മം സ്വപ്നം കാണുന്ന സാത്തൻമാരുടെ അനുയായികൾ ആണെന്ന വിവരങ്ങളാണ് പുറത്ത് വരുന്നത്. ദമ്പതികളും അദ്ധ്യാപികയും ദുർമന്ത്രവാദവുമായി ബന്ധപ്പെട്ട സംഘടനയിലെ അംഗങ്ങളെന്നാണ് സംശയിക്കുന്നത്.
പുനർജ്ജനി എന്ന സാത്താൻ സെവ സംഘടനയുമായി യവർക്ക് ബന്ധമുണ്ടെന്ന വിവരങ്ങളാണ് ഇതൊനൊടകം പറത്താത്ത വന്നിരിക്കുന്നത്. മരിച്ചാൽ സ്വർഗ്ഗത്തിലെത്താമെന്നു കണക്കുകൾ കൂട്ടുന്നവരാണ് ഈ സംഘടനക്ക് പിന്നിലുള്ളത്. തിരുവനന്തപുര ത്തുനിന്ന് കാണാതായ അധ്യാപികയെയും കോട്ടയം സ്വദേശികളായ ദമ്പതിമാരെയും അരുണാചല് പ്രദേശില് മരിച്ചനിലയില് കണ്ടെത്തിയ സംഭവത്തില് ആത്മഹത്യാ കുറിപ്പ് കണ്ടെടുത്തു.
ദമ്പതിമാരെ മരിച്ചനിലയില് കണ്ടെത്തിയ മുറിയില്നിന്ന് ആത്മഹത്യാക്കുറിപ്പ് കണ്ടെടുത്തതായാണ് വിവരം. ഒരു കടവുമില്ല, ഞങ്ങള്ക്ക് ഒരു പ്രശ്നവുമില്ല എന്നാണ് കുറിപ്പിലുള്ളത്. ദുരൂഹ ഉണ്ടാക്കുന്നതാണ് മൂവരും ഒപ്പിട്ടിരിക്കുന്ന ഈ കുറിപ്പ്. ‘ഞങ്ങള് എവിടെയാണോ അങ്ങോട്ട് പോകുന്നു’ എന്നെഴുതി മൂന്നുപേരും കുറിപ്പില് ഒപ്പിട്ടിരുന്നതായാണ് പൊലീസ് പറയുന്നത്. കൈഞരമ്പ് മുറിച്ചനിലയിലാണ് ഹോട്ടല് മുറിയില് മരിച്ചനിലയില് കണ്ടെത്തിയതെന്നും അരുണാചല് പോലീസ് പറഞ്ഞു.
ഫോണുകളിൽ ഇവർ മറ്റാരോ പറഞ്ഞു കേട്ടതിൽ വിശ്വസിച്ചില്ലെ ന്നതും തുടർന്നും അതേപ്പറ്റി അന്വേഷണം നടത്തി വന്നിരുന്നു എന്നതും വ്യക്തമാണ്. മരണാനന്തര ജീവിതത്തെക്കുറിച്ച് ഇവര് ഇന്റര്നെറ്റില് തിരഞ്ഞതായി സൂചനയുണ്ട്. ദമ്പതിമാരുടെ വിവാഹസര്ട്ടിഫിക്കറ്റ് അടക്കമുള്ളവ മുറിയില്നിന്ന് കണ്ടെടുത്തിട്ടുണ്ട്. കോട്ടയം മീനടം സ്വദേശി നവീന് തോമസ്(35), ഭാര്യ ദേവി(35), ഇവരുടെ സുഹൃത്തായ തിരുവനന്തപുരം വട്ടിയൂര്ക്കാവ് മണികണ്ഠേശ്വരം സ്വദേശി ആര്യ ബി നായര്(20) എന്നിവരെയാണ് അരുണാചലിലെ ജിറോയിലെ ഹോട്ടല് മുറിയില് മരിച്ചനിലയില് കണ്ടെത്തുന്നത്.
ജിറോയിലെ ബ്ലൂപൈന് ഹോട്ടലിലെ 305ാം നമ്പര് മുറിയിലായിരുന്നു മൂവരും താമസിച്ചിരുന്നത്. മൂന്നു പേരുടെയും കൈഞരമ്പുകള് മുറിച്ചനിലയിലായിരുന്നു. ആര്യയുടെ മൃതദേഹം മുറിയിലെ കട്ടിലില് കിടക്കുന്ന നിലയിലാണ് കണ്ടെത്തിയത്. ദേവിയുടെ മൃതദേഹം തറയില് കിടക്കുന്ന നിലയിലായിരുന്നു. നവീന് തോമസിനെ കുളിമുറിയിലാണ് മരിച്ചനിലയില് കണ്ടെത്തുന്നത്.
13 വർഷം മുൻപായിരുന്നു നവീന്റെയും ദേവിയുടെയും വിവാഹം. രണ്ടുപേരും ആയുർവേദ ഡോക്ടർമാരായിരുന്നു. തിരുവനന്തപുരത്തായിരുന്നു താമസം. തിരുവനന്തപുരം ആയുർവേദ കോളജിലാണു നവീൻ പഠിച്ചത്. അവിടെവച്ചാണ് ദേവിയുമായി പ്രണയത്തിലാകുകയും വിവാഹം കഴിക്കുകയും ചെയ്തത്. മിശ്രവിവാഹമായിരുന്നു ഇരുവരുടേതും. എങ്കിലും ഇരുവരും നല്ല സ്നേഹത്തിലാണ് കഴിഞ്ഞുവന്നത്.