രാഷ്ട്രീയ എതിരാളികൾക്കെതിരെയെല്ലാം ആക്ഷേപ ഹാസ്യത്തി ന്റെ പേരിൽ അധിക്ഷേപങ്ങൾ പറയുന്നതിൽ ആനന്ദം കൊള്ളുന്ന എം.എം.മണി എംഎൽഎ ക്ക് ചുട്ട മറുപടി കൊടുത്ത് ഇടുക്കി ഡിസി സി മുൻ സെക്രട്ടറിയും യുഡിഎഫ് ദേവികുളം നിയോജകമണ്ഡലം കൺവീനറുമായ ഒ.ആർ.ശശി. ‘എം.എം.മണി ചുട്ട കശുവണ്ടിയെ പോലെ’ എന്നാണു ആക്ഷേപഹാസ്യമായി കോൺഗ്രസ് നേതാവ് പറഞ്ഞിരിക്കുന്നത്.
ഡീൻ കുര്യാക്കോസിനെതിരെ മണിയുടെ പ്രസംഗത്തിനു മറുപടിയായിട്ടായിരുന്നു മൂന്നാറിലെ യുഡിഎഫ് കൺവൻഷനിൽ ശശി, മണിക്കെതിരെ പരാമർശം നടത്തുന്നത്. ‘എം.എം.മണിയുടെ മുഖത്തുനോക്കുന്നത് ചുട്ട കശുവണ്ടിയെ നോക്കുന്നതുപോലെ’ എന്നായിരുന്നു ശശി പറയുന്നത്.
ഡീൻ കുര്യാക്കോസ് ഷണ്ഡനാണെന്നും ചത്തതിനൊക്കുവേ ജീവിച്ചിരിക്കുന്നതെന്നൊക്കെ, ഇടുക്കി തൂക്കുപാലത്തെ പാർട്ടി പരിപാടിയിൽ നടത്തിയ പ്രസംഗത്തിൽ എം.എം.മണി പറ‍ഞ്ഞിരുന്നതാണ്. ബ്യൂട്ടി പാർലറിൽ കയറി പൗഡറും പൂശി ഫോട്ടോ എടുത്ത് നടപ്പാണെന്നും കെട്ടിവച്ച കാശുപോലും കിട്ടില്ലെന്നും മണി, ഡീൻ കുര്യാക്കോസിനെ പരിഹസിച്ചിരുന്നു.
