കൊച്ചി . ബില്ലടക്കാത്തതിനാൽ എറണാകുളം കളക്ടറേറ്റിലെ ഫ്യൂസൂരി കെഎസ്ഇബി. കളക്ടറേറ്റിലെ 30 ഓഫീസുകളിൽ ഇതോടെ കറന്റ് ഇല്ലാതായി. കൊടും ചൂടിൽ ജനം വീർപ്പു മുട്ടുമ്പോൾ കറന്റ് കൂടി ഇല്ലാതായതോടെ ജീവനക്കാർ ചൂടിൽ പൊറുതി മുട്ടി വരാന്തകളിൽ ഇറങ്ങി നിൽക്കുകയാണ്. ബിൽ കുടിശിക വരുത്തിയതിനെ തുടർന്നാണ് KSEB ഫ്യൂസൂരിയത്.
കറന്റില്ലാത്തതിനാൽ ഓഫീസ് പ്രവർത്തനങ്ങൾ തീർത്തും അവതാളത്തിലായി. 5 മാസത്തെ കുടിശിക ആയതോടെ ആണ്‌ KSEB ഫ്യൂസ് ഊരുന്നത്. 42 ലക്ഷം രൂപയാണ് കുടിശിക കളക്ടറേറ്റിലെ ഓഫീസുകൾ KSEB ക്ക് നൽകാൻ ഉള്ളത്. ഡെപ്യൂട്ടി എഡ്യൂക്കേഷൻ ഓഫീസ് 92,933 രൂപയാണ് കുടിശികയുള്ളത്. റവന്യൂ വിഭാഗം 7,19,554 രൂപയാണ് കുടിശിക അടക്കാനുള്ളത്.
മൈനിംഗ് ആന്റ് ജിയോളജി, ജില്ല ലേബർ ഓഫീസ്, ജില്ലാ ഓഡിറ്റ് ഓഫീസ്, എഡ്യൂക്കേഷൻ ഡെപ്യൂട്ടി ഡയറക്ടർ ഓഫീസ് എന്നിവിടങ്ങളിൽ വൈദ്യുതിയില്ല. റവന്യൂ വിഭാഗത്തിന് 7,19,554 രൂപയാണ് കുടിശിക അടക്കാനുള്ളത്.
