ശബരിമലയിലെത്തുന്ന തീര്‍ത്ഥാടകര്‍ക്ക് എല്ലാ സൗകര്യങ്ങളും ഒരുക്കണമെന്ന് അഭ്യത്ഥനയുമായി മുസ്ലിം മതപണ്ഡിതര്‍ തിരുവിതാംകൂര്‍ ദേവസ്വം ബോര്‍ഡ് പ്രസിഡന്റിനെ കാണാനെത്തി. വിവിധ മുസ്ലിം സംഘടനാ നേതാക്കളായ ഇലവുപാലം ഷംസുദ്ദീന്‍ മന്നാനി, തോന്നയ്ക്കല്‍ ഉവൈസ് അമാനി, പനവൂര്‍ സഫീര്‍ ഖാന്‍ മന്നാനി, എആര്‍ അല്‍ അമീന്‍ റഹ്‌മാനി എന്നിവരാണ് ശബരിമലയിൽ തീര്‍ത്ഥാടകര്‍ക്ക് എല്ലാ സൗകര്യങ്ങളും ഒരുക്കണമെന്ന് അഭ്യത്ഥനയുമായി കൂടിക്കാഴ്ച നടത്താനെത്തിയത്.
തിരുവനന്തപുരം നന്തന്‍കോട് ദേവസ്വം ബോര്‍ഡ് ആസ്ഥാനത്ത് എത്തി ദേവസ്വം ബോര്‍ഡ് പ്രസിഡന്റ് പിഎസ് പ്രശാന്തുമായി മുസ്ലിം മതപണ്ഡിതര്‍ കൂടിക്കാഴ്ച നടത്തി. മകരവിളക്ക് തീര്‍ത്ഥാടന കാലത്ത് ഭക്തര്‍ക്ക് ആവശ്യമായ സൗകര്യങ്ങള്‍ ദേവസ്വം ബോര്‍ഡ് ഒരുക്കിക്കൊടുക്കണമെന്ന് ആവശ്യപ്പെട്ട മത പണ്ഡിതര്‍ ആവശ്യമായ എല്ലാ സഹായവും വാഗ്ദാനം ചെയ്തു. അതേസമയം മകരവിളക്ക് തീര്‍ത്ഥാടനത്തിനായി ശനിയാഴ്ച നട തുറന്നു. മകരവിളക്ക് മഹോത്സവത്തിന് ശബരിമലയിൽ തുടക്കമായി.
