രാഷ്ട്രപിതാവിനെ അപമാനിച്ച് ഭാരത് മാതാ ലോ കോളേജിലെ യൂണിയൻ നേതാവ് കൂടിയായ എസ്എഫ്ഐ നേതാവ്. മഹാത്മാഗാന്ധിയുടെ പ്രതിമയിൽ കൂളിംഗ് ഗ്ലാസ് വെച്ച് വീഡിയോ എടുത്താണ് ആലുവ ഏരിയ കമ്മിറ്റി അംഗവും ഭാരത് മാതാ ലോ കോളേജിലെ യൂണിയൻ ഭാരവാഹിയുമായ നാസർ മഹാത്മാ ഗാന്ധിയെ അവഹേളിച്ചിരിക്കുന്നത്. സംഭവം വിവാദമായതോടെ സംഭവത്തെ പറ്റി അന്വേഷിച്ച് പ്രതികരിക്കാമെന്നാണ് എസ് എഫ് ഐ യുടെ പ്രതികരണം.
‘എന്തായാലും മഹാത്മാഗാന്ധി മരിച്ചതല്ലേ’ എന്ന പരിഹാസം നടത്തി കൊണ്ടായിരുന്നു നാസർ മഹാത്മാ ഗാന്ധിയുടെ പ്രതിമയിൽ കൂളിംഗ് ഗ്ലാസ് ഇട്ടു വീഡിയോ ചിത്രീകരിച്ചത്. നാസറിന്റെ കൂടെയുള്ളവർ തന്നെയാണ് ഇത് പകർത്തിയിരിക്കുന്നത്. എസ്എഫ്ഐ നേതാവ് മഹാത്മാ ഗാന്ധിയെ അവഹേളിച്ച സംഭവം കോടതിയിൽ ചോദ്യം ചെയ്യുമെന്ന് മറ്റ് വിദ്യാർത്ഥികൾ പ്രതികരിച്ചിട്ടുണ്ട്. അതേസമയം സംഭവം എന്താണെന്ന് തിരക്കിയ ശേഷം പ്രതികരിക്കാമെന്ന് എസ്എഫ്ഐ ജില്ലാ നേതൃത്വവും അറിയിച്ചിട്ടുണ്ട്.
